بصراحة الموضوع دة كنت عاوزة اكتب عن من فترة
بس كل مرة اقول بلاش
او انسى الموضوع واكتب عن حاجة ثانية
حتى اني ارجع اشوف الاغنية العجيبة
اتوتر واستفز واقول دول ساكتين ازاي
واقول دة مش بيستاهل اكتب عنو واضيع وقتي
بس مش قادرة يا جدعان حكتب عن النهاردة بس مش كثير عشان وقتي اهم من اني اكتب عن واحد زي دة وحنتقل لموضوع ثاني بعد كدة :)
------------------------------------------------------------------------------------------
يا جدعان يا مصرييين
يا شباب مصر
جاد شويري بغيني مصرية مصرية مصرية وانت ساكتين
بتعملو اي
فين الجدعنة
طب هو لا صوت و كلمات ولا حتى منظريمثل المصرين والمصريات
ويجي يقول مصرية مصرية مصرية وبشكل مبتذل جدا
وعادي القناة معندهاش الا الاغنية دي ولازم ماتمرش ساعة الا وتعيد الاغنية
يا خراششششششششششششي هو حصل اي
هو المصري خلاص نسي هو مين وعادي اي حد يتكلم عنو او يشتمو او يمثلو
والله عجب ؟!؟
-----------------------------------------------------------------------------
عشان الشخص الي اتكلمت عنو فوق مش بيستاهل اضيع وقتي وانا بكتب عن الفيديو كلب المتخلف بتاعو او الكلمات الهبلة الي
انا حكتب عن حد مصري
ومصري بجد بيشرف اسم مصر
عمرو مصطفى
انا بقالي من اول ما عمل الكاسيت بتاعو للنهاردة وانا معنديش الا هو
في البيت، في السيارة، في اي مكان
عمرو مصطفى بصوتو
باللحن بتاعو
بشكلو المصري طحن
يا جماعة دانا حاسة نفسي معزولة عن الدنيا
مش بسمع الا هو
كنت قبل كدة بفتح الراديو بسمع مشاكل واخبار وحجات
دلوقتي مفيش غير هو
حتى ان امبارح كنت خايفة الكاسيت بتاع العربية ينطق ويقولي
حرام عليكي ارحميني
وخصوصا 3 اغنيات الي بحبهم جدا جدا جدا
والي بيجو في الكاستي ورى بعض وافضل اسمهم وارجع من ثاني اسمعهم
انا نسيتك خلاص، سيب الوقت يعدي، برتاح معاك
دي مش بيعني اني مش بحب الاغاني الثاني
لاء خالللللللللص
كل اغنية اجمل من الثانية
وعلى فكرة حاولت اسمع عمرو او هشام عباس او اي حد ثاني من فترة لفترة بس اكتشف بعد كدة ان حتى الاغنية الي بحبها وبسمعها لمطرب ثاني بتكون من الحانو :)
من الأخر كدة مع اني مش صغيرة ومعنديش هوس وجنان البنات على المطربين
بس عمرو مصطفى مش بس مطرب او ملحن بالنسبة ليا
دة انسان مليان احساس، اخلاق واحتراف
على فكرة وانا بدور على النت على صورتو اكتشفت ان اجمل اغنية بحبها لعمرو دياب هي من الحانو
خليك فاكرني
يا سسسسسسسسسسسسسسسسسلام
والله تحفة
انا بجد بكل لحن بحبو بكتشف بالصدفة انو لي
وبكل كلمة من اغاني بكون زي المجنونة بالعربية بغني معا
وكفاية اشاعات بقى حرام عليكو
ماينفعش حد ينجح الا والناس والنقاد يخربو علي
لو تركزو حتى في المقابلات بتاعتو تحس كدة ان انسان واثق من نفسو بس مش شايف نفسو
بيتكلم بطريقة واضحة وجميلة ومش بيزعق زي ما الناس الثانية بتعمل
وبيشرح كل حاجة بهدوء وبيتكلم وهو فاهم كل حاجة بيقولها
مش بيتكلم والسلام او حد محفظو الكلام قبل المقابلة
هو ماشاء الله عليه مش سايب حق وعارف يتعامل ازاي ويثبت ان مش بهلس وبياخد الحان من حد
تسلم ايديك يا عمرو على الحان الجميلة دي
وخليك فاكرني :)
