Tuesday, June 26, 2007

روبي


روبي


اسمها الحقيقي رانيا حسين محمد توفيق

اكيد كلكم عارفينها

ابقى قابلني ، انت عارف لي ، انا عمري ماستنيت حد

كل دي اغاني ليها وعملت ليهم فيدو كلبات

واشتهرت وعملت ضجة عمرها ما حصلت وممكن مش حيكون اجمد من كدة ضجة

اني بحب الفن القديم والاغاني الطربية والشبابية

بس اكيد مش بحب الاغاني البايخة وخصوصا بتاعت هيفا والي سماها صادق

لانها بجد هيفا

دولي ولا دانة ولا بوسي ....الخ

يعني الهبل الي حاصل بالساحة الفنية حاجة زبالة ومقرفة

بس من ناحية روبي

مش عارفة صحيح هي عريانة قوي

بس صوتها بالنسبة ليا في حاجة

في لمسة كدة مش عارفة ازاي

حاولو اسمعوها من غير ماتشوفوها

هو صحيح في ناس بتحبها لشكلها

بس بجد صوتها جميل

بدايق لما الناس يتكلموا عليها او الصحافة مع اني لا اعرفها ولا اريبتها ولا عمري شفتها في الحقيقة

بس يعني هو مفيش غير روبي

ولا عشان مافيش حد يدافع عنها او يحميها من الصحافة الكل بيتكلم عنها

انا عندي مبدأ يا تتكلم الصحافة عن الكل الي بيحصل في الساحة الفنية وعن كل المممم

ماينفع اقول مطربات او فنانات

مش عارفة اسميهم اي.......؟

ما علينا

يا ماتكلموش عن حد


عارفين حاجة كمان قهرتني بزيادة

لما روبي طلعت الكاسيت الجديد واحترمت نفسها

مفيش حد اشترى الكاسيت والمبيعات زفت

حتى الي انتقادوها على البس كانو في الشريط الاولاني بيسمعولها ويشوفو الفيديو كلبات بتاعتها

بس دلوقتي لا النقاد الي عارضوها ولا الناس الي حبوها بيسمعولها او بيشوفوها ؟!؟


اي التناقد الي عايشين في دا

يا جماعة يعني الواحد لما ينصلح حالو مفيش حد يوقف جمبُ

ولو صاح وبقى زبالة برضو بتتلكمو علي

ارحمو شوية


بس كدة

على فكرة هو يمكن كثير منكم حيقول هي الهبلة دي اي الي كتباه

بس مش عارفة لي بدافع عنها

يمكن عشان الكل بيقول انو في شبه في الشكل بيني وبينها؟!؟

مش عارفة
بس بجد صوتها جميل حاولو ركزو شوية واسمعوها
عندها احساس من نوع خاص

Friday, June 15, 2007

جسر مشاة


كل يوم الصبح وانا رايحة الشغل بمر في شوارع مختلفة

منها شوارع ضيقة او كبيرة شوية ممكن كمان عليها ضغط مش منطقى وتبقى وااااااااااقف وتفتكر انو في حادث مروري لا سمح الله

او انو في ضغط على الشارع ... و فجأة


عادي الشارع يرجع يمشي وبرضو الواحد مش عارف لي كان واقف عشان لا في ضغط على الشارع ولا في حادث


هممممم غريبة مش كدة


بس عارفين كل دا من إي


عشان في ناس عاوزين يمشو من طرف الشارع الي هم في للطرف الآخر

والمصصصصصصصصصصصصيييييبة انو جسر المشاة فوقيهم بالضبط


طب يعني بذمة دول عنهم دماغ يفكرو في او اصلن بيفكرو او هم بيحبو يتحدو نفسسسسسسسسهم


او بحبو ينتحرو او ...... معلش مش قادرة افكر زيهم او افهمهم

عشان انا بفكر في دماغي طب ازاي حفهمهم ، هم بيعملو كدة لي


لاء وكمان المشكلة والتخلف الأكبر

الأم والأب الي بيمسكو اولادهم عشان يقطعو الشارع و مش بيستخدمو الجسر


والله حاجة تجنن الواحد


طب بلاش لما تيجي تسأل حد منهم يا عم ما هو الجسر بتاع المشاة قريب ماتمشي علي احسنلك

يقوم يقول

لا يا عم الجسر دا مش بيوصل للمحل الي انا عاوزو

الجسر لو مشيت علي حرجع وامشي كمان عشان أوصل المحل الي أنا عايزو وكدة حتعطل خصوصا لو كان مكان أكككككككككككل

مانا جعان وعاوز آآآآآآآآآآكل

فكدة اسهل

اقطع الشارع من المكان الي انا عايزو ألاقي نفسي على الجهة الثانية قدام المحل الضبط


بالذمة يا جماعة دا كلالالالالالالام ؟!؟


طب الدولة لي تدفع فلوس تتعب نفسها وهي بتنظم السير واتجهز جسسسسسسسور المشاة عشان نستخدمها

بلاش يا عم

خليها توفرها عشان الحالات والحوادث الي بتحدث من المجانين الي بيمور في الشوارع و يندهسو

مش احسن ولا إي رأيكم


انا بانتظار رأيكم


Thursday, June 7, 2007

حب من نوع ثاني


البوست الاخير مع التعليقات بتعاتكم خلتني افكر في حاجة جديدة

في اليوم الواحد في اكثر من مليون اغنية بتتألف وبتتغنى

يييييياااااااااااااااااه

كل دة حب وكره

بس اغاني الحب اكثر ولا اي؟!؟


دا يمكن يثبت ان مفيش حب بجد

الحب كل كلام في الجو

زي الحالة الي بكتبها في مدونتي قوس قزح في شعور غريب 3


لازم يكون في حب حقيقي من جوة

مش في الجو برة


بس برضو في حب حقيقي

عارفين اي هو

حب الام لأولدها

يمكن دا الحب الوحيد الحقيقي


مامتي ربنا يرحمها، مش بتحب الاغاني البايخة

بس مرة اكتشفت انها بتحب اغنية محمد فؤاد

الحب الحقيق بعيش يا حبيبي

بعلمنا نسامح.... معلش

مش حافظة كل الاغنية


وبس النهاردة عرفت هي لي بتحب الاغنية دي

يمكن عشان هي بتعبر عن الحب الي جواها لينا

عشان التضحيات الي عملتها لينا

الاغنية كانت بتعبر عن الي الحب والتضحية، العطاء والتسامح



مش كل حاجة حب الشب للبنت

يا جماعة ربنا خلقنا نحب الام

نحب الاب

نحب الاخت


وعلى موضوع الاخت

عندي اخت روحي فيها وبحبها جدا

هي الي بقيالي في الدنيا دي

مع انو في عندي اخوات واخوان تانين غيرها


بس خلاص هي عندي غير

ان شاء الله حكتب اكثر عنها في المرات الجاية


متأسفة طولت عليكم


بحبكم زي اخواني

:)


سلام يا جدعان


يومك مليء بالحب

بس مش حب البنت للشب

حب عائلي يا جدعان