Tuesday, June 26, 2007

روبي


روبي


اسمها الحقيقي رانيا حسين محمد توفيق

اكيد كلكم عارفينها

ابقى قابلني ، انت عارف لي ، انا عمري ماستنيت حد

كل دي اغاني ليها وعملت ليهم فيدو كلبات

واشتهرت وعملت ضجة عمرها ما حصلت وممكن مش حيكون اجمد من كدة ضجة

اني بحب الفن القديم والاغاني الطربية والشبابية

بس اكيد مش بحب الاغاني البايخة وخصوصا بتاعت هيفا والي سماها صادق

لانها بجد هيفا

دولي ولا دانة ولا بوسي ....الخ

يعني الهبل الي حاصل بالساحة الفنية حاجة زبالة ومقرفة

بس من ناحية روبي

مش عارفة صحيح هي عريانة قوي

بس صوتها بالنسبة ليا في حاجة

في لمسة كدة مش عارفة ازاي

حاولو اسمعوها من غير ماتشوفوها

هو صحيح في ناس بتحبها لشكلها

بس بجد صوتها جميل

بدايق لما الناس يتكلموا عليها او الصحافة مع اني لا اعرفها ولا اريبتها ولا عمري شفتها في الحقيقة

بس يعني هو مفيش غير روبي

ولا عشان مافيش حد يدافع عنها او يحميها من الصحافة الكل بيتكلم عنها

انا عندي مبدأ يا تتكلم الصحافة عن الكل الي بيحصل في الساحة الفنية وعن كل المممم

ماينفع اقول مطربات او فنانات

مش عارفة اسميهم اي.......؟

ما علينا

يا ماتكلموش عن حد


عارفين حاجة كمان قهرتني بزيادة

لما روبي طلعت الكاسيت الجديد واحترمت نفسها

مفيش حد اشترى الكاسيت والمبيعات زفت

حتى الي انتقادوها على البس كانو في الشريط الاولاني بيسمعولها ويشوفو الفيديو كلبات بتاعتها

بس دلوقتي لا النقاد الي عارضوها ولا الناس الي حبوها بيسمعولها او بيشوفوها ؟!؟


اي التناقد الي عايشين في دا

يا جماعة يعني الواحد لما ينصلح حالو مفيش حد يوقف جمبُ

ولو صاح وبقى زبالة برضو بتتلكمو علي

ارحمو شوية


بس كدة

على فكرة هو يمكن كثير منكم حيقول هي الهبلة دي اي الي كتباه

بس مش عارفة لي بدافع عنها

يمكن عشان الكل بيقول انو في شبه في الشكل بيني وبينها؟!؟

مش عارفة
بس بجد صوتها جميل حاولو ركزو شوية واسمعوها
عندها احساس من نوع خاص

29 comments:

Anonymous said...

مقال جميل وتقريبا عندي نفس رأيك
صوتها جميل و عندها أغاني حلوة
بس كانت ضحية مخرج الفيديو كليبات
وضحية الإسفاف و المجون اللي نزلت لمستواه
وسداجتها في تقديم برنو كليبات
لما الواحدة بتكون شخصية عمومية لازم تتأكد من خيارتها أوي
كل غلطة بتتحسب عليها

صعب نطلع لفوق..بس سهل كثير إننا نهوي لتحت

بيل كلنتون عمل حاجات عظيمة كثير بس قضية التحرش مرمطته
مؤخرا مدير البنك الدولي قدم إستقالته فقط لعلاقة حميمية مع سكرتيرة

زيدان ومرادونا أحسن لعيبة في العالم بس الناس بتذكرهم ديما بمشاكستهم في الميادين
وغيرهم وغيرهم

عالم الشهرة الخطأ فيه ممنوع ومافيش ياما إرحميني

ربنا يوفق الجميع ويصلح القلوب

Nani said...

السلام عليكم
عندي اختلاف معاك بحجات بسيطة اوي متنسيش انه العري الي كانت بتعمله زي غيرها وافقت عليه يعني محدش اجبرهاوبكده هي خسرت انه الناس تحترم صوتها ويبقو عايزين يبصو وبس وحتى لو لبست ملاية لف او جلابية محدش هـ يسمعها كله بقى عاوز يبص ويستمتع مش يسمع ويستمتع
عالم الفن العربي كان له زمان قوة وحضور دلوقت بقى ولا اجدعها فلم ثقافي
الكلام ده بينطبق على كل اشباه المغنين والمغنيات في الوطن العربي كله من شعبان لـ مصاري لـ هيفا واليسا
وفي وحدة فرساني جدا اسمها دانة ربنا يخدها عالهباب الي عملاه في الكليب بتاعها، قلتلك ولا اجدعها فلم ثقافي
حسبي الله ونعم الوكيل

عابرة السبيل said...

عندك حق يا ليمونادة ...احنا بنظلم اللى بيتصلح حاله ..هى صوتها حلو بس الناس اللى حبوها واشتروا شريطها معظمهم ماهمهش صوتها اكتر من شكلها ...انا فرحت لما لاقيت اخر فيديو كليب ليها حلو ومحترم...بس حقيقى قلت هى بتعمل كده ليه ؟ماخلاص صورتها باظت فى عيون الناس المحترمة
-----------------------------------
على فكرة دى اول مرة ازور مدونتك وحقيقى عجبتنى قوى ..فيها اشرق ولونها حلو وموضيعك حلوة كمان ...ياريت تشرفينى بزيارتك لمدونتى ،سلام عليكم

انتظار مؤقت said...

اول زياره ليه عندك و في البدايه بشكرك لمرورك عندي بجد ان سعيد اوي عشان كان السبب اني وصلت للمدونه الجميله دي تاني حاجه ان بحب روبي اوي و حبتها اكتر لما قولتي في الاخر ان فيها شبه منك :) ايوه دي معاكسه متخديش في بالك عموما انا سعيد بزيارة مدونتك و اكيد حنتظر مؤقت عند كتير
تحياتي يا قمر

Hannoda said...

تصّدقي إني أنا كمان عندي الشعور ده ناحيتها

رغم إني مستفزّة جدا من الأغاني الجديدة و مطربينها و عاملة أساسا إضراب عن قنوات الأغاني و ما عرفش حتى بيعملوا ايه بقالي سنة

لكن روبي من أول ما طلعت و أنا حاساها مضيّعة طريقها بس وإن كلها كام تجربة و تعرف حاتمشي فين و إزاي

فعلا صوتها أنا بحبه

بس فين علاقة ده بالمصرية الإسكندرانية؟؟

إيه الألغاز ده
:)

إحنال فينا من كده؟؟

باينكده إنه مش أنا لوحدي اللي شيكولاتة باونتي
:)

mephostophilis said...

أتفق معك تماما فى وجهة نظرك لروبى
فصوتها فعلا جميل
خاصة مع استخدام الكمبيوتر
و فى الألبوم الأخير أشتغلت مع موزعين جيدين جدا فأخرجت أغانى وهم خاصة مالى بتوزيعاتها
أتمنى من لم يسمع هذا الألبوم أن يسمعه
تحياتى

Lemonada said...

سندباد:
اي ياعم هو انت بتنافس وشكلك بتحاول تاخد لقب المعلق الاول

حمدالله على السلامة اولا بقالك مدة غايب
حبيت جدا كلامك وبحب ازاي بتدي امثلة عشان تدعم الكلام بتعاعك
حلوة تدعم دي
هههههه
بس جامدة جدا انو صعب نطلح لفوق بس سهل كثير اننا نهوي لتحت

متشكرة جدا جدا على زيارتك

Lemonada said...

عارفة يا ناني
في حد اجبارها
الشعب
الشعب الي بقى كل تفكيرو بحجات عريانة وبيديها اهمية ويتكلم عنها ويتابعها
الانحطاط الي احنا في حتى لو كنا بنقول غير كدة وان الفيديو كلبات بتاعتها وحشة
بس بنتفرج عليها وبتجيب مبيعات

ولما جت تعمل حاجة صح محدش دعمها ومكانش في مبيعات

اكيد حترجع وتتعرى وتعمل حركات هبل
معلش يا عم
اختلاف الرأي مطلوب ساعات

Lemonada said...

عابرة سبيل
شرفتيني ونورتيني
واحد ليموناضة سقعة للمعلمة الي عابرة سبيل يا واااااااااد
هههههه

حزورك في اقرب فرصة
بس ان شاء الله تداوم على الزيارة في المدونتين
قوس قزح وليمونادة

Lemonada said...

انتظار مؤقت؟!؟
هو انت بتحب روبي عشان شكلها بس ولا صوتها
شكلنا كدة مش حنتفق
بس مش مشكلة
زيارتك الاولى جميلة وان شاء الله مش الاخيرة

Lemonada said...

هنودة
ازيك يا اطعم جوز هند
يا عم بقولك في شبه في الشكل
يعني لازم تفهميها على الطاير
اي يا معلم مش مجمع لي

سلام يا جميل
ونهارك جميل زي بحر الاسكندرية

Lemonada said...

mephostophilis:

يا عم انا اول ما دخلت كلام سيما قلت حنتفئ

نورتني بجد وسعيدة بزيارتك

محمد صلاح العزب said...

أنا بحب ملامح وشها
بغض النظر طبعا عن انها عندها حاجات تانية كتير أهم

Unknown said...

بجد انا برضه بحبها جداً و بحب اغانيها و خصوصاً انت عارف ليه بس الفيلم بتاعها كان اهبل جداً و ملوش اى لزمه اما بالنسبه للشريط الجديد فانا لسه مسمعتوش


بس انا بعتبر روبى حاله و حاله لذيذه

تحياتى

سندباد said...

مش عارف صراحة اصلي انا مش متابع الاغاني دي او مش بركز معاها اساسا انما المشكلة اننا بقينا علي راي ناني بنبص مش بنسمع
علي العموم احترم وجهة نظرك

نقطة مية said...

مع احترامي لرأيك بس هي اللي هزأت نفسها و خلت الناس تتكلم عليها..و بعدين احترمت نفسها في كليب..بس شكلك مشوفتيش الكليب الجديد..رجعت ريما لعادتها القديمة..
ربنا يهدي

nael eltoukhy said...

معاكي حق تماما، غير صوتها، فيه كمان الحان اغانيها، بيتهيالي انها جمل موسيقيى جديدة تماما
وكمان فيه حاجة بالنسبة للعري بتاعها، مش عارف، وبرغم ان كتير ممكن يعترض على دا/ لكن بحس انه عري محترم، وانا مش بضحك، فيه حاجة تحسسك ان العري دا مش مبتذل، وانما دمه خفيف، زي سعاد حسني الله يرحمها، وطبعا مش زي هيفا خالص

مرة كان فيه مهندس كمبيوتر قاعد جنبي على الكمبيوتر علشان يعلمني حاجة ف الويندوز، راجل كبير ف السن وقريبنا، يعني لازم يبقى محترم معايا. عينه وقعت على فولدار لكليبات روبي عندي. سالني وهو بيغمز: مش دي البت الصايعة؟. سؤاله كان ظريف، ماكانش فيه غضب وانما اعجاب، واكيد مش اعجاب جنسي او اثاره. سؤال راجل كبير فعلا على بنته، بنته اللي باظت وهو جواه احساسين متناقضين من ناحيتها: الاول - انه خايف عليها، التاني انه فخور بيها، محدش يقدر ينكر احساس الام لما تبقى فخورة بشقاوة ابنها وشيطنته، برغم زعيقها في الظاهر له. بيتهيالي بنفس المنطق الراجل دا حس ان روبي بنته، وانا كمان، بس بدافع السن بس مضطر احس انها اختي

لا يا شيخة.. روبي جامدة فعلا، اغاني وروح وكل حاجة، حتى تسريحات شعرها ظريفة

انا بحبها بصراحة

غمض عينيك said...

ليمونادة
اول زيلرة لمدونتك الجميلة فعلا
انا بردو معاكي..روبي صوتها جميل فعلا انا بحب اسمعة بغض النظر عن ادائها او لبسها بس صوتهابحس انه مصري

تحياتي ليكي ولمدونتك اللطيفة
محمد سمير

Lemonada said...

يا عم عزب بس لما ابقى اشوفها حقولها انك بتحب وشها
هو فعلا تقاطيع وشها جميلة
في أصالة مصرية

====================
whyme
هو بصراحة الفلم فاشل فاشل
وياريت تسيب التمثيل خالص او انها تاخد كورسات مكثفة بالتمثيل
==================
sendbad
معاك انت وناني
بقينا نبص مش بنسمع
بس انا كنت عاوزة نغمض شوية ونسمعها
=====================
نقطة مية
اي هي رجعت للجنان
كنت عارفة زي ماقلت
احنا دايما بنخلي الكويس ينحرف والمنحرف الي عاوز يبقى كويس منحرف اكثر
وبعدين نتكلم عليهم

Lemonada said...

ازيك يا نائل
على فكرة بتفكرني بصديق عزيز جدا عليا كنت لما نبقى نستهبل على بعض اندهلو نائل مع انو اسم لا نائل ولا حاجة
يعني حالة هبل
حتى كلامك وتفسيرك للأمور نفس الشئ
عندو حاجة جميلة خالص
نكون خارجين ومخنوقين يقول كلمة
نوقع كلنا من الضحك وهو عادي جدا
وحشتني والله يا وائل

اتكلمت كثير ونسيت موضوع روبي
هههههه
جميل قوي وصاحب ذوق مهندس الكمبيوتر
تحياتي وشكري لمتابعتك ليا

Lemonada said...

غمض عينيك
ازيك يا محمد مع اني مش عارفاك
بس شرفتني بزيارتك
اسم غمض عينك جميل في حالة تسمع روبي وتنسى جسمها عشان تسمع حاجة جميلة مش بس تشوف
بس في حالات ثانية لازم تكون مصحصح ومفتح عينيك جدا في الحياة الغريبة دي

تحياتي واحلى ليمونادة باردة جدا ليك عشان شرفتنا بالزيارة دي على المدونتين

gohayna said...

بصي سوء التوجيه بيلعب دور كبير اوي هنا

الراجل منه لله

عاملها زي الدميه

يقولها يمين تيجي يمين
شمال شمال

وهيا منقاده لا ليها رأي ولا لون

متزعليش الصوت الحلو والاحساس مش كل حاجه

لازم مقومات تانيه عشان تتقبل وسطينا

ما علينا انا بحب نانسي بصراحه

الدبور said...

هي مؤديه اكثر منها مغنيه
راي شخصي

Ma 3lina said...

هيا فعلا صوتها فيه حاجة هوا مش تحفة بس لو سمعتيها من غير صورة هتحسى بكدا

يمكن بدايتها و الضجة اللى حواليها هيا اللى اثرت عليها و على صورتها فى عين الناس

المشكلة دلوقتى هيا انها ممكن لو شافت ان المبيعات قلت كدا ترجع تانى للخط القديم و اغنياتها اللى ابتدت بيها فى اول حياتها

هنشوف

تحياتى و اليمونادة هايلة النهاردة و ساقعة ههههه

Lemonada said...

جهينة
هههههه
ضحكتني يا شيخة
عارفة حلوة قوي الحتة
الراجل من لله
هههههه
بجد انت عسل
معلش عاوز فلوس اصل الوضع الاقتصادي تعبان
وهو عاوز فلوس
المهم الفلوس
يعمل اي حاجة بس الفلوس تيجي

Lemonada said...

الدبور
منور يا دبور
بس بلاش تلسعنا
ههههههه
احنا هنا فاتحين الباب لجميع الأراء
================
ما علينا
هو السيد جارفيلد بياكل لوحدو لي
طب يعزمنا معاه
طب حتة صغيرة
انا جعععععععععانة

Xee said...

ليمووووو

ازيك، الأول شكرا على سؤالك عني، بس انا كنت قايل في مدونتي التانيه اني في اجازة عشر أيام
===============================

ايه بقى يا ستي الكلام ده؟
انا مش متفق معاكي ابدا المرة دي الصراحة

روبي لما كانت بتترقص كلنا اتفرجنا عليها كحالة شخلعة مش كحالة فنية
و لما حاولت تغني بجد، مطلعتش فن اساسا

يعني هو احنا المفروض أي حد يقلع و بعدين يلبس نسقفله؟

العبرة بالفن يا ليمو

تحياتي

S H A H said...

مودموزيل ليمونادة
================
يرجى التكرم بارسال صورة شخصية 4×6 وذلك لمقارنة اوجه الشبه المذكورة في الموضوع و اختيار الاجمل

شاكرين لكم حسن تعاونكم معنا,,,

شهرو

Lemonada said...

XEE:
اختلاف الرأي لا يفسد في الود قضية
هههههههه

---------------
شهرو
يخرب عقلك
كدة يعني
عاوز صورة
طب شوف البوست الي كاتبة في عن آخر العنقود سكر معقود
مع ان شكلي اتغير دلوقتي
سلام يا باشا