البوست الاخير مع التعليقات بتعاتكم خلتني افكر في حاجة جديدة
في اليوم الواحد في اكثر من مليون اغنية بتتألف وبتتغنى
يييييياااااااااااااااااه
كل دة حب وكره
بس اغاني الحب اكثر ولا اي؟!؟
دا يمكن يثبت ان مفيش حب بجد
الحب كل كلام في الجو
زي الحالة الي بكتبها في مدونتي قوس قزح في شعور غريب 3
لازم يكون في حب حقيقي من جوة
مش في الجو برة
بس برضو في حب حقيقي
عارفين اي هو
حب الام لأولدها
يمكن دا الحب الوحيد الحقيقي
مامتي ربنا يرحمها، مش بتحب الاغاني البايخة
بس مرة اكتشفت انها بتحب اغنية محمد فؤاد
الحب الحقيق بعيش يا حبيبي
بعلمنا نسامح.... معلش
مش حافظة كل الاغنية
وبس النهاردة عرفت هي لي بتحب الاغنية دي
يمكن عشان هي بتعبر عن الحب الي جواها لينا
عشان التضحيات الي عملتها لينا
الاغنية كانت بتعبر عن الي الحب والتضحية، العطاء والتسامح
مش كل حاجة حب الشب للبنت
يا جماعة ربنا خلقنا نحب الام
نحب الاب
نحب الاخت
وعلى موضوع الاخت
عندي اخت روحي فيها وبحبها جدا
هي الي بقيالي في الدنيا دي
مع انو في عندي اخوات واخوان تانين غيرها
بس خلاص هي عندي غير
ان شاء الله حكتب اكثر عنها في المرات الجاية
متأسفة طولت عليكم
بحبكم زي اخواني
:)
سلام يا جدعان
يومك مليء بالحب
بس مش حب البنت للشب
حب عائلي يا جدعان
19 comments:
سيبك من الاغاني وسيبك من القصائد والافلام وسهر الليالي والشعر والقمر وكل ما يعبر عن الحب او الكره انما خليكي في اللحظة اللي بتحسيها لما تشوفي او تتكلمي او تقعدي مع شخص بتحبيه سواء زي ما قلتي حب شب لبنت او حب عائلي وانتي تتاكدي انا الحب بجميع انواعه- الحب الصادق الخالي من الشهوات والمصالح موجود وبكثرة وانه اجمل احساس ممكن نحس بيه
صح
تحياتي
ده ايه المدونة اللي مليانة حب دي..
:-)
انا معاكي في كل اللي قلتيه..اجمل حاجة الحب بين افراد الاسرة لانك مطمنة انه مهما حصل مفيش حاجة هتفرق بينهم..مش عارفة ليه اول ما تذكر كلمة حب التفكير السائد بيبقى حب بين الشاب و الشابة بس للحب اشكال تانية كتير و درجات مختلفة و مش حاجة عيب للاسف الحب بقى مفهومه مشوه عند ناس كتير مع انه احساس بشري طبيعي زي بقية الاحاسيس..
انا حبيت المدونة دي
:-)
و مش هتكون آخر زيارة
تحياتي يا قمر
العزيزة ليمو
مات داروين، و ماتت نظريته
و مات ميكافيللي و ظلت فكرته
في مجتمعاتنا المتخلفه تربينا على أن حب الرجل للمرأة أو العكس ، حاجه عيب
و انا هنا بتكلم عن الحب، مش عن الاعجاب و شغل المراهقة الجميل ، لأن ده بيكون حالة حب ، مش حب
حب الأم و الأب و الابن و الاخ و.....الخ
زي الأكل بالظبط ، نابع من غريزة الانتماء ، مشبع بامان التعود ، صادق لأنه ولد معنا و شب و نضج معنا
حب الرجل للمرأة أو العكس بقى زي الميه بالظبط في أحاديته ، فلم ولن نستطيع احلال الماء مكان الطعام أو العكس
نحن في احتياج للاثنين لنحيا حياة سوية
=================================
ولنحق الحق : البيضه ولا الفرخة
لأ تخيلي بقى ان في الحب البيضه هي اللي كانت الأول
و المقصود بالبيضه هنا هي علاقة الرجل بالمرأة و الفرخة هي الأسرة كنواة للمجتمع بعلاقات الحب بينهم
ادم لم يعرف ابا أو أما أو حتى أخا أو صديق
و لكنه عرف حواء
و منها جاء جميع أنواع الحب
==============================
أخيرا ، حقيقة علميه
عند وفاة أحد الأبوين ينهار الانسان السوي نفسيا بنسبة 30% بينما عند فقدان أحد الأبناء ترتفع هذه النسبة إلى 65% و أخير عند فقدان شريك الحياة قد تصل أحيانا هذه النسبة إلى 100% ،دراسة عمليه من مركز البحوث الفرنسي لعلم الاجتماع سنة 84
تاني: شريك حياةهنا لا تعني صاحبتشي و الجيرلفريند بتاعتشي
تحياتي و عفوا على الاطالة
The Xee
sendbad
يا عم يا رومنسي
بس ان شاء الله الحب يدوم
تحياتي
نقطة مية
اهلا وسهلا بيك دايما
في مدونة ليمونادة وقوس قزح كمان
..........
انا معاك في الي قولتي
عارفة يمكن مبقاش الواحد يفتكر حب الاهل عشان احنا فاقدين الحب دة
بندور على حب جديد يعوضنا عن حب الاهل
اصل كثير ما الاهالي والعائلات نسيت الحب دة وانشغلت في امور الحياة ومشاكلها
ولما الابن او الابنة يكبرو مش بلاقو الحب دة فبدورو علي برة البيت
.......
تحياتي دائما
xee
انا مش قدك يا جيمل
بس على ما اعتقد انو في نسبة احد الوالدين النسبة مش صح
دي نسبة لها علاقة في الدول الغربية
عشان في الوطن العربي التعلق في الاهل والوالدين اكبر بكثير
بالنسبة ليا الواحد السوي ينهار نفسيا نسبة كبيرة جدا عند وفاة احد الوالدين.. يعني كلها نظريات مختلفة حسب طبيعة المنطقة
تحياتي ومنورني دائما
انا عاجبني بساطتك في التعبير
طريقة سردك البسيطة والتلقائية بتعجبني
لو نتعلم نعطي ونعطي ومننتظرش رد
يبقي وصلنا اننا نحب
وهنلاقي نفسنا اتحبينا من غير تدخل مننا
ليمو
متفق معاكي جدا
:)
تحياتي
اه طبعا مفيش حاجة اسمها حب
بالنسبة لحب الام لابنها فانا بصراحة شايف انك متحيزة لان فيه حب الاب لابنه او لبنته، وف الاخر مفيش حد يقدر يقارن بين النوعين من الحب الا لو جرب انه يكون هو الاب والام بنفسه، وبما ان دا مستحيل، على الاقل بيولوجيا، يبقى المقارنة، على الاقل بيولوجيا، مستحيلة. نحياتي
اه نسيت اقول ان عموما الحب دا اكبر اشتغالة في تاريخ البشرية، اشتغالة واحنا عارفين انها اشتغالة، وهو عارف اننا عارفين انها اشتغالة، وكله بيشتغل نفسه بمزاجه، ودا يمكن احلى حاجة فيه
كراكيب عادل
هممممم حلو جدا انو نعطي من غير مانستنا حد يعطينا
بس برضو في وقت تتخنق وتكون عاوز حد يديك حب وعطاء
انا شايفة لازم تعطي لشخص الي يستاهل تعطي من وقتك وتفكيرك وحبك
بس في المقابل لازم يكون مقدر الشخص الأخر الحاجة دي ويدي كمان حاجة
ولا اي
مش معقول تدي تدي تدي ومفيش حد يديك
ازاي حتحس مين بحبك بجد ساعتها؟!؟
neal
اي يا عم
مالك علينا
أولا منورني
ثانيا اتمنى انك دايما تزورني
ثالثا والاهم
انا كاتبة عن حب الام والاب والاخت
بس ركز وانت بتقرئ
تحياتي :)
ليمو ( حلوة ليمو دي ) عندك حـــق أكييييد ، أحلى حاجة الحب العائلي ده
...........
بس على رأي نائل بيه
الحب ده أكبر اشتغالة ، و حلاوته ف كده
لي عودة مفصـلة
حبيت أسلم بـس :)
ابراهيمممممممممم
بقالي يومين عاوزة اشوف انت رحت اختفيت فين يا عم
نورت بجد نورت
هي اشتغالة يا عم ماشي
بس انا كان في بالي بعض الاسئلة وبطرحها ليك وبعدين من تعاليقاتكم اكتشفت انو الحب من نوع ثاني مش كثير ناس بيفتكرو
سلام يا باشا
ازيك يا ليمو (شفتي موضوع ليمو مشي في المدونة زي النار.. أي خدمة)عشان تعرف بس
أنا بطالب بجايزة التعليق رقم 14
المهم انا ضد ان كل المشاعر المختلفة والمتباينة دي كلها يكون ليها اسم واحد فقط
يعني صعب ان نفس الإحساس اللي بيدفع للجنس يكون ليه نفس الاسم بتاع الإحساس اللي بيدفع للتضحية فيبقى الاتنين اسمهم حب
ده خطأ فادح
وأنا من هذه المدونة أطالب بنحت كلمات كثيرة لكل المشاعر المختلفة التي تندرج تحت لفظ الحب
صباح النيل الأزرق
إي يا عم عزب في إي
انت كان نفسك وانت صغير تبقى محامي
هههههه
إي كل المطالبات دي
كل واحد ولي رأيُ في الحياة دي وعلى قول نائل الحب إشتغالة
وعاوز هدية
ممممممم
حفكر واشوف
دى الي عندي في الوقت دة ونحت للموضوع مش حيحصل للأسف
ممكن في حالة أخرى وأيام قادمة أكتب حاجة عن الحب بطريقة تعجبك يا عم
على فكرة انا معاك في حتت انو
صعب ان نفس الإحساس اللي بيدفع للجنس يكون ليه نفس الاسم بتاع الإحساس اللي بيدفع للتضحية فيبقى
الاتنين اسمهم حب
بس عاوز شرح مفصل
أصل الحب الي حيوصل لجواز ناجح اكيد حيوصل للجنس عشان البيت يعمر ويبقى في اسرة
بس الجنس الي في الشوارع والي مبني على رغبة لا غير
دا مش اسمو حب
وبعدين اش جاب لي جاب
يا عم انا بتكلم عن حب العائلة
تحياتي
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
يقول فارس الرومانسية نزار قباني
الحب في الأرض بعض من تخيلنا لو لم نجده عليها لاخترعناه
ويقول أيضا
كلامنا في الحب يقتل حبنا ان الحروف تموت حين تقال
بطلوا كلام في الحب دا لوثة! الله يكفيكم شرها
:)
ها ها ها ليمونادا, أنا ح أكتب موضوع عن الحب من منظور علمي وحأبقى أعزمك
إنت بس حضري بدلة روز علشان العزومة
:)
متمنياتي لك بنهار دافء تحت ظل الحب الإلهي
سندباد:
انت فيلسوف ولا قارئ ولا اي
مفيش حاجة ولا موضوع إلا بيكون عندك جواب في
ومش اي جواب
بيكون مدعم باشعار واسماء كتب وحجات كثيرة
ما شاء الله عليك
أقولك على حاجة
أنا أول ما شفت الصورة و اعنوان .. إتحرّك جواي حب الأمومة و كإني أم
و إستغربت من الفطرة اللي جوانا ده.. كمية حب جوانا مش عادية من قبل حتى ما نكون أمهات.. أمال بقى الحب اللي بيكون لما نكون أمهات بالفعل
إنت عارفة؟؟.. ماما كمان بتحب نفس الأغنية
أنا معاك على فكرة.. الحب.. كان فخيالي دنيا رائعة ساحرة ممكن تحقق سعاده ما حدش يتخيّلها لو إتحقق بين إتنين
لكن عرفت إنه كلام.. أكتره كلام.. أكتره فراغ
أما حب الأصدقاء.. الأسرة .. مالوش آخر.. ما لوش سقف و لا غطى
تحياتي
:)
Post a Comment