الحب
هو اي يعني الحب
لي مرات كثيرة بنحب ناس ونتعلق بيهم ويسيبونا
بنحب عشان نتعذب وننجرح
والمشكلة لو انك بعدت عن الشخص الي بتحبو بالغصب
يعني ممكن تكون فوقت وافتكرت انو مش ممكن عشان فرق السن
او التقاليد
او الحالة المادية
او حجات كثير
ممكن تسيبو بعض عشان الاهل
على فكرة بحس انو مهم الوحدة لما تتجوز تكون مرتاحة لعائلة جوزها
اصلها مش متجوزاة لوحدو
دي حقيقة لازم كل بنت تفهامها
بس برضو في ناس بتحب بعض كثير ويفضلو مع بعض
ممكن كمان يتجوزو
بس المشكلة انهم يكتشفوا ان الحب لم يكن حباً
كان لعب عيال
او واهمين نفسهم انهم بحبوا بعض
يعني مرات الاهل بيتكلم عن الجواز التقليدي
بقولوا ان الحب بيجي بعدين
التفاهم هو الاساس والمشاركة
معقول كلامهم صح
بس برضو في حالات في الواقع مش دايما تكون صح في حالة الجواز التقليدي
مش عارفة
اسئلة جاتني ومش عارفة ارد على نفسي
هو اي الحب الحقيقي
هو بجد موجود
او بنضحك على بعضنا
16 comments:
أنا شامم ريحة نار حتولع
حأروح أعمل شاي
وأرجع أشوف التعاليق الجامدة
ماحدش يأخد مكاني لغاية ما أرجع
((:
تعبير "قصة حب" أو "حالة حب" هو أكبر دليل على إن الحب إياه بتاع انت جيت شهقه يا رمضان و الحاجات دي بيبقى زي الميكروويف : بيسوي الأكل في خلال وقت قصير جدا بدرجات حرارة عاليه جدا جدابس بعد دقايق معدوده بنسمع التـــتننن بتاعت الميكرويف ...خلاص بح
و الغريب في الموضوع إن أكل الميكروويف بيطلع طعمه وحش
في رأيي ان المشكلة في تعريف الحب أساسا
مشكلتنا اننا لما بنمر بحالات الحب دي بنعتبر ان هو ده الحب و بنقيس عليه بعد كده مستوى العلاقة!!!!مع ان حالة التوهج الأولى دي بتكون دليل على الحب بس مش الحب نفسه
الحب بقى يا ستي هو كل ما يبنى على الحاله الجميلة دي و لازم يكون بناء منطقي يجد له فرصه للعيش و التنفس على أرض الواقع...لأن ببساطه لو اخترنا نرتبط بالشخص ده هنعيش في الواقع
من الاخر عشان حاسس اني طولت جدا
اللي عايز يفهم المعنى الحقيقي و الوحيد للحب مايدورش عليه في كتب الفلسفة...لإن الحب ببساطة شديدة موجود بوضوح في كتب علم الإجتماع
بس احنا اللي بنصر ندور عليه في دليل استخدام الميكروويف
تحياتي
زي
سندباد:
xee
اخدك مكانك
على الله الشاي يكون طعم كويس
XEE:
حسميك فيلسوف المنطق
اي رايك
بجد يا عم انت تحفة
بس جامدة جدا حكايت الميكرويف دي مع اني مش بعرف اعيش من غيرو خصوصا في حياتي الي مافيهاش وقت لنفسي
تحياتي
السلام عليكم
منعنشة يا ليمونادة
الحب هو اللي بيجمع تنين من اول مرة لكن التفاهم والمشاركة هي اللي بتخلي التنين دول يفضلوا مع بعض ويأسسو حاجة على قواعد ثابتة، علشان تبني حاجة جامدة اوي
حب الايام دية بالموبايل والايميل من بعيد لبعيد، فكرا يا بت جوابات ابن الجيران لما كان بيحدفها بطوبة ولا بسبها في عشة الفراخ؟ ولاّ لما كنا نطلع ننشر الغسيل ع السطوح
Nani:
طوبة
هو بكرهني وعاويز يقتلني
هههههه
هو بس فين الي يفهمني
شكلو انا صعبة الفهم
او صريحة وواضحة زيادة عن اللزوم
انا شكلي حكتفي بحبكم ليا
شكلك وقعتي يا زعيمة
بالهنا والشفا
تعرفي غالبا الحقيقه والصراحه بتقتل بس رغم كده بحبها شفتي الحب موجود اهو هههههههه
الحب لغز محير انتي هتخلني اكتب بوست رومانسي بقالي كتير مش بكتب رومانسي علي طوول نكد ممكن نخلق الحب في خيالنا
Lemonada
..
محتارة ليه بس
..
آلاف المسميات لن تفي بالتعريف المطلوب
كلها وجهات نظر، ومشاعر مختلطة ومختلفة الأهواء
يبقى أن نعيش الحالة، دون البحث عن مسمى
الحب حياة، وحده يجعل للأشياء قيمة ومعنى
..
جميل تعليقك يا
xee
..
أحييك
مفيش مقياس ثابت لتعريف معني الحب لان المشاعر بتختلف من شخص للتاني ومن قلب للتاني انما الحب موجود ومنقدرش نعيش من غير ما نحب المشكلة اننا مش قادرين نفهم ان الحب ده كائن محتاج رعاية وصدق في التعامل ورغبة في انه يكبر زي الطفل الصغير اللي بنخاف عليه من كل حاجة عارفة لو كل اتنين حسوا ان الحب بينهم كانه ابنهم ويخافوا عليه اكتر من نفسهم هاتفرق كتير اوي اوي اوي
تحياتي
هو انا بصراحة رايي في الحكاية دي ممكن يبقي معقد شوية
يعني لو قلتلك ان في فعلا حاجة اسمها الحب الحقيقي بس لسه ماحدش وصلها هاتصدقيني؟
انا معاكي تماما في ملاحظة نموذج الناس اللي بتوهم نفسها انهم بيحبو بعض وهما بيمثلو
وكمان عايز اقولك ان البديل بتاع الجواز التقليدي مش هو البديل الصحيح
وان كان بديل ناجح بعض الشئ وفي حدود و ظروف معينة
لكن لحد دلوقتي مجتمعنا كله - واغلب المجتمعات بالمناسبة- ماتربش فيها جيل يعرف الحب الحقيقي
وان "نعرف عنه" من كتب علم النفس وعلم الاجتماع لكننا حتي الان لم"نعرفه" حقيقة
تحياتي
محمد
وقعت مين يا عم
انا مش بالسهولة دي اي مشاعر تاخدني وتوديني
بس لو وقعت حقولك
عبد الله
فعلا هو لغز
عارف مرات بحس اني نفسي مش عارفة انا عاوزة اي ولا بحب اي
بمل من الحجات بسرعة
بس حساسة جدا
يعني
مشاعر متغيرة جوايا
مش عارفة حاسة نفسي ضايعة
مستنية البوست بتاعك
الاستاذ العشري
محتارة لي
دا سؤال بسألو لنفسي كثير
Sendbad:
خلاص يا عم
انت فيلسوف المنطق
خلاص دا اسمك الجديد
بتفسر الحياة بطريقة جميلة جدااااااااااا
وبتديني امل في الحياة
هي امل اخبارها اي
هههههه
Yamen:
شكلو حالتك زي حالتي
بس على فكرة شوف
sendbad
قال اي
عجبني التعليق بتاعو
على ما اعتقد انك حتحبو
تحياتي
زورني على قوس قزح
Post a Comment