كل يوم اول ماخرج من البيت لسة جمب البي في عمارة جديدة بتتبني
طبعا الدنيا صبح بدري
والجو في شوية لسعة باردة في الليل وفي نص النهار الجو حرررررررررر موووووووووووت
يعني احنا بنكون في العربية وفي كوندشن حتى لو مافيش وانت بتمشي بالعربية في هواء بيجي لو فتحت الشباك
وفي المكتب في كوندشن
وفي البيت بتكون مرتاح اصلو بيتك
وكل دة جاهز وموجود في اكل وحجات
يا تعمل ليك حاجة يا تجيب حاجة من برة تاكلها
او يا اما تنام وانت ما واكل
صح كدة يا جدعان
ونكون مش طايقين نفسنا وقرفانين والجو حر والجو برد ويا زفت طفي الأ سي
دا بارد ودا سوخن ودا مش عارف اي
و مش طايقين نشتغل و نعصب على بعض وحجات غريبة
طب يعمل اي المصري الي من وش الصبح بعد صلاة الفجر بيغسل العربيات كلها بتاعت المنطقة
طب في الصيف خلينا نقول مش مشكلة عشان في اول الصبح الجو جميل
بس ماتنساش دا الوقت بدري جدا
ثانيا هو في الشتاء بيصحى ازاي غير كدة الفوطة مليانة مية متلجة وخد بالك اكثر من 20 عربية بتتغسل وهو الي بيغسلها لوحدو
وبعد كل دا على الصبح يجين واحد متأخر على الشغل بيزعق على المصري الأصيل
قال اي مش منضفها كويس
طب يا عم ما تنضفها بنفسك
طب شوية دم يا ناس
ولا اللي بكسر الطوب والحجر
ركزو معايا
الحجر
يعني عاوز قوة بدنية
بس المشكلة الي بكسر الحجر بيكون وزن خف الريشة وقاعد من الصبح للمغرب بيحفر وينضف الحجر بالإزميل
شوف ايدو عمل ازاي اخر النهار
ولا الشمس الي بتضرب في دماغو طول اليوم
وهو ساكت مش بيقول حاجة
ولا الثاني الي بيقسم الحديد ويرتبو
والعرق بينزل من جبينو
وماتنسوش
دا مغترب وغير كدة مش بيلاقي لقمة ياكلها في بيتو
دا بيت عادي وبسيط واكل اخرو رغيف خبز وجبنة
طب يا عم راعي ربنا
يا عم و بيقولو مش بنحب المصريين
ازاي يا عم هو من غير المصري كنت حضرتك بقيت بني أدم وسكنت في البيت الي عايش في
يا حسو في بعض شوية
وبطلو التعميمات الغريبة دي
المصري وحش وبيستعبط
ايوا في بس مش كلهم
والمغربي مش مؤدب
ايوا في بس مش كلهم
والاردني ابو كشرة
ايوة في بس مش كلهم
والسعودي الي مش بهمو الا النسوان والتسلية
ايوة في بس مش كلهم
والله حرام
كفاية تعميمات
ملاحظة: مش بقصد ان المصري عامل وبس بس دة مثال صغير لقدرة المصري للعمل عشان يكسب رزق بالحلال
والشغل مش عيب ويا ريت كل الشعب العربي يتعلم الحاجة دي من المصريين عشان هم الوحيدين الي بيشتغلو اي شغلانة حتى لو كان معاه شهادة جامعية، لو مفيش شغل في التخصص بتاعو بيدور على شغل حتى يلاقي الي عاوزو
تحياتي لكل مصري عامل بداية من رجل النظافة لصاحب الشركة
تحية لمصر
32 comments:
بوست حلو جدا احييكى عليه بس فيه نقطة غامضة عندى و هتفرق فى إستقبالى للبوست، هو حضرتك مصرية و لا منين؟
طبعا انتي هتتسألي عن جنسيتك للصبح من كل حد يدخل هنا
انا عارفه انك كاتبهالموضوع بشكل معين وقاصده منه خير طبعا
وعايز اقولك ان المصري او اي حد اضطرته الظروف انه يشتغل ويجد ويكسب رزقه عشان ظروفه مش بيكون شايف الي احنا شايفينه
بيكون حاطت قدام عينه ولاده ومراته وبيته
واحتياجتهم
حجات تنسيه اسمه وتنسيه الحر والبرد
وتخليه دايما فاكر قوت ورزق عياله
ربنا يعين كل الناس يارب
تسلم ايد يا قمر
وبجد وحشاني يا حجه واالله
coffee break,
اولا اهلا وسهلا بيك
اتمنى ماتكنش دي اول مرة
بخصوص مصرية ولا منين
مش بحب السؤال دة خااااااااااالص
انت اكتب الي انت عايزو بالحالتين لو كنت مصرية ولا منين
هههههه
--------------------
جي جي
ازيك يا جميلة
والله انت تحفة
شفت السؤال بتاع انا منين بجانيني جدا
المهم كلامك مية مية زي دايما يا عسل
تحياتي ليك
وعندك واحد ميلك شيك كتكات للمزة جهينة
ههههههههههه
مصريه ولا مش مصريه
المهم عندك قلب بتشوفى بيه المهم أنك أنسانه بتحس مش مهم من فين ولا منين
شكرا لكى تقديرك للأنسان المكافح
في القلب
ايوة كدة يا عم ربنا يحرسك ويخليك في القلب دائما
والله فرحتيني
انت فاهماني صح يا معلم
نورتي بجد
سعدت جدا بزيارتك للمدونة نرتيني يا جميلة والله وميرسي على تعليق الجميل على مدونتي الصغنونة ويارب متكنش اخر مرة سلامي ليكي
true love
اهلا اهلا
طب اي رايك في البوست مقلتيش
السلام عليكم
البهدلة موجودة في كل حتة حتى جوا بلدك
بس ده مايمنعش اني اكون محترم بصرف النظر عن المكان او الناس الي حواليه
بص شوفي بيتعمل ايه بالعرب في فرنسا ام الحريات
فكرك احنا ساكتين على البهدلة ليه؟
nani
فينك يا بنت يا قروبة
كدة تغيبي
ماشي
شوفي يا ناني
من ناحية البهدلة موجودة موجودة
بس موضوع فرنسا والحجاب موضوع مش لازم نسكت عن
الساكت عن الحق شيطان اخرس
ودة مش اي حق
صح يا جميل
سلام يا ليمو
أش خبارك؟
كلامك معقول و فيه مقاطع ضحكتني بزاف
مثلا: والمغربي مش مؤدب
هههههه
انكشفت يا حلو قصدك دعارة
يعني عن البلد الطويل العريض العريق دا مالقيت الا هذي ؟
معلش حركة الهجرة بتخضع لطلبات السوق
يعني اللبناني بتلاقيه في امريكا الجنوبية رئيس ولارجل أعمال
والمغربي في فرنسا ولا أوربا عموما وزير ولا باحث
والمصري في أمريكا عالم كبير
والأردني موسيقي مكسر دنيا
إلخ إلخ
لكن تجده في بعض الأمكنة رجل المهمات الصعبة إذ لم نقل القذرة
في شعوب تحمد ربنا أنها لقت شعوب عظيمة أعطاها الله قدرة التكيف وإنجاب قدرات بتخدم
من البيه البواب للبيه الوزير أوالعالم
طبعا الكلام مش لبلدك إذا كنت مش مصرية
الكلام الى الشعوب اللي نايمة وبتاكل بتنجان
وبتتأفف وبتعمم ألقاب
موضوعك جميل وهادف فكرني بالناس دول
يعطيك العافية وشكرا بزاف يا ليمو
وسلملي ع البتنجان
هههههه
سندباد
عارف حاجة الي بيضايق ان الوطن العربي مش بيحتضن الشباب والعلماء العرب
بالعكس بطفشهم ومش بشجعهم
وبيفضل الكسلان او الاهبل او الي متمرمط او المهزوم
او الي بحفر في الصخر عشان يثبت نفسو
وتلاقي العالم الفهمان خارج بلده سواء كان في الوطن العربي او خارج البلد العربي كل
وكدة سمعة البلد سواء كانت مصر، لبنان، الاردن او المغرب بقت مش كويسة عشان الي الكوسين طفشو
ربنا على المفتري بس
حسبي الله ونعم الوكيل
ايه يا لمونادة
مش كل الناس مرفهين زيك كدة يا قمر
ده في مدونين مفهموش يعني ايه اي سي و كوندشن
مالها المروحة الناشينوال؟؟
بيني و بينك و انا بقرا البوسا في الاول لسة كنت هحضرلك كومنت هقولك فيه انتي فاكرك كل المصريين بيشيلو طوب و عمال
بس لقيتك وضحتي في الاخر قمت انا فشيت على طول
مكنتش فاهم قصدك بس وضحتلي الصورة و الهدف في الاخر
بوست جميل كالعادة طبعا يا مونمون
و يا ستي مش هسألك عن جنسيتك و لا ايه حاجة
كفاية انك لمونادة
و احنا حابين شخصك الجميل
--------------------------
على الهامش
=========
مبروك عجيبة الدنيا السابعة
انتي فعلا لميتي كل جنسية بشهرتها السلبية
بس جبتي خفة الدم منين
بطلوا تماحيك بقى في المصريين
و اجمل سلام مؤقت
السلام عليكم
نعنشة
انا لما اتكلمت عن فرنسا مكنش قصدي الحجاب
قصدي البهدلة ضد العرب الناس الي بتطلع يا اما رايحين صياعة يعبروا عن الكبت الي بعانوه في دولهم او تهريب ويشتغلوا ... ونسبة قليلة محترمة بتمثل الخلق العربي المحترم الي شفتو عن العرب والمسلمين في باريس كان كفاية ليا اعرف ليه هم ببصولنا كده
والحق علينا الي اديلنلهم كل البراهين على مدى تخلفنا والنفس الدنيا والرخامة
--------------------
ملاحظة لكل قارىء
انا ادعي على ابني واكره الي يقول آمين
عندك حق في كلامك والله يانعنشة
وتحية جامده جدا لكل واحد نسي تعبة وعلرقة وكل مافيه عشان يحمي بيته واسرته ويكفلهم حياه شبه كريمة
وتحية كبيرة اوي ليكي
محمد سمير
السلام عليكم دى اول مرة أدخل فيها المدونة بتاعتك
والله تعليقى على الموضوع مش هيبقى كبير
بس اللى اقدر اقوله لحضرتك ان أكل العيش مر وصعب
لو الراجل ده معملش كده هياكل منين وهيأكل عيالة منين
انا ياما شوفت فى المزرعة اللى كنت بشتغل فيها ناس كبيرة فوق ال60 سنه بتتعب وبيصعبو عليا والله بس فى شغلنتى مثل انا ماشى عليه وهو
اللى يصعب عليك يفقرك
يا ريت يكون المثل وصل
ثانيا احنا بنتكلم عن الراجل الغلبان ده ايه اللى جاب السعودى والمغربى وال وال وال وال
على العموم موضوع جامد وصريح
جزاكى الله كل خير
بوست في الصميم
ياريت اللي يدخل يقرا البوست ده يركز فيه كويس لانه مليان حاجات كتيرة ااوي حلوة بس نفهمها تحياتي
shah
كويس انو حضرتك كملت البوست للأخر
هههههههههه
عارف الي بيضايق برضو انو في ناس كثير يفتكرو المصري بس عامل طوب والحجات دي
يعني افكار غريبة بقى
المهم ماتخافش
ليموناضة عاملة توعية للناس بخصوص المصريين والشعب المصري
هههههههههه
بجد والله مش بهزر
حتى بابايا بيقولي اوقات عاملة زي محامي الدفاع عنهم لي
هم عينوك محامي دفاع امتى
:)
بخصوص عجائب الدنيا السبع متشكرة
يا عم بالنسبة ليا الموضوع كلو حاجة كدة عبيطة
عارف لي
عشان الموضوع الي حصل عمل فجوة ثانية بي الاردن ومصر بخصوص الاهرامات والبتراء
عندي مش مهم الفوز قد ما بهمني ان الشعوب تفتضل واحدة ومتخليش مواضيع زي دي تعمل مشاكل
بعدين يعني مش ممكن اكون مصرية اردنية يا معلم
وبخصوص خفة الدم
هو انت مشربتش من نيلها
ولا جربت تغنيلها
طب جرب كدة
اي يا ناني
عارفة لازم تكتبي بوست عن دة
بجد اي رايك
غمض عينيك
ازيك يا محمد منور زي دايما
عارف اوقات نفسي كل واحد حرامي بس يفتكر الناس دول الي بيتعبو
يمكن ساعتها يختشي ويحس بنفسو قد اي هو متخلف ومش بيخرب سمعتو الي مش فارقة معا
هو بخرب سمعة بلد بحالها
3abdo mehtas
الحتة بتاعت المغربي والسعودي دي كان قصدي فيها حتة التعميم
يعني لو شفنا اثنين ولا ثلاثة وحشين من دولة معينة نبقى نعمم ونقول كل المصريين او المغاربة او السعوديين
.... الخ
كدة وحشييييييييين
يعني حال الدول كلها نفس الشئ
بعدين في غلابة و ناس متعلمة و مهاجرة في البلاد دي اقصد السعودية والمغرب ولبنان والاردن
وبيتعبو زيهم زي المصري
فاهمني
اتمنى الصورة وضحت لحضرتك
منور وان شاء الله دايما تزورني
تحياتي يا محتاس
sebdbad
يا عم ربنا يباركلك
اتمنى من الكل ياخد بنصيحتك ويركز
تحياتي المركزة لحضرتك
هههههههههه
جميل يا ليمو
دول مش جدعان قد ما هم ضحايا ناس واكلة قوتهم
لكن برده هم جدعان لأنهم عندهم القدرة العيفة دي على الحياة
ومش جدعان لأنهم ما بيتمردوش على الحرامية اللي سارقينهم
ازيك يا محمد
اخبارك اي
انا متعودة انك تكون اول واحد بيعلق عندي
شكل الشغل عندك طحن موت
يلا معلش بقى
بخصوص مش جدعان لأنهم ما بيتمردوش على الحرامية اللي سارقينهم
المشكلة لو عملو كدة اكل عشهم حيتقطع
يعني فوق ما همة يا دوب واكلين كدة مش حياكلو خالص
ربنا معهم
احلى مسا على احلى نعنشة
حبيت ادخل بس واسلم
ياليمو انا لما بشوف اسمك عندي ع البلوج مزاجي بيروووء علطول
امال...دا انتي ليموناده
احلام سعيدة يانعنشة
:):)
سلام
محمد
غمض عينيك
يا محمد فين البطاطس وبلاش بكاشة
الكلام دة مش عليا
عاوزة بطاطس كوك دور
أقولك ؟؟ ..أن لما جت هنا إتبهرت باللي بيعملوه المصريين.. آه أ،ا طول عمرى عايشة هنا و الغربة عمرها في حياتي بس تلات سنين
لكن التلات سنين دول قطموا وسط المصريي
فقر و غلو فيالأسعار و ضيق في الحياه بشكل مخيف
بس لقيتهم بيكسبوا من كل شيء و أي شيء
حجات ما تخطرش على بالك
السنترالات ممكن تدخلي تبعتي منها ماسج بفلوس
ممكن تشتري رصيد لمبويلك ويشحنهولك من غيرالكارت عشان سعر الكارت غالي
وحاجات كتير إخترعوها فكسبوا منها وسهلوها على الناس
انا بمدح مش بإنحياز إنما بفخر .. آ÷ فينا صفات تكسف بس مش الكل
عجبني البوست قوي يا ليمو وحسيته قوي
بلدنا حلوة
وبدون تعصب ولا انحياز المصرى شخصية متفردة فعلا مهما كانت ظروفه
ودايما الحنين مالكه ...تلاقى اى تجمع لمصرين فى اى مكان تلاقى اغانى الغربى طلعت على طول
الناس عندنا غلابة بس اجدع ناس
الله يرحمك يا جمال يا حمدان
والله يمسيك بالخير يا عم سيد حجاب ياللى قلت
يا غويط ويحسبك الجاهل
سهل وساهي وغبي وعبيط
والقصيدة بتاعت عم سيد اهى كلها
يا مصري ليه دنياك لخابيط و الغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفاياك تبليط
صعبة الحياة والحل بسيط ... حبة تخطيط
فتحت باب استيرادك
وصرفت فوق ضعف إيرادك
حِلي للخواجة استكرادك
سابك بتقرا في أورادك
وده قشّطك ونزل تشفيط
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
ومهولاتي تحب تزيط
ساعة الفرح زغاريد تنطيط
وفي المياتم هات يا صويت
وفي المظاهرات سخن تشيط
و في الانتخاب تنسى التصويت
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
وليه بترشي وتتساهل
وتضيع حقوقك بالساهل
تستاهل النار تستاهل
يا غويط ويحسبك الجاهل
سهل وساهي وغبي وعبيط
يا مصري ليه دنياك لخابيط و الغلب محيط
و العنكبوت عشش ع الحيط و سرح ع الغيط
يا مصري يا للي الغلا عاصرك
والنهب في عصرك حاصدك
قوم للحياة واسبق عصرك
ولا حاجة هترجع مصرك
إلا ان تكون شغال ونشيط
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفياك تبليط
صعبة الحياة والحل بسيط ... حبة تخطيط
انا جيت اهو يا ست ليمونادة علشان ما تروحيش تبلغي على الواد يابنتي الواد والله ملهوش دعوة انا كويسة وحية ارزق بس مطحونة يا شعب الموقع بتاعنا اللي هو محيط دوت بيعمل نيو لوك ياشعب وانا مطحونة ومن موقعي هذا اعتذر للست ليمونادة وكل الليبيدخل عندي لعدم ردي على التعليقات وسلامي يا جمااااااااااعة للمونادة وميلي على المدونة يا فندم لو حبيتي تضفيني هيحصلي الشرف وساعتها هتلاقيني علطووووول اون لاين
هنودة
حتقوليلي على المصري
يا حبيبتي
المشكلة عارفة مصر وعارفة المصرييييييين وكل الحكايات
زي ماقلتي
الواحد بيكون في الغربة يجي يلاقي الغلاء والمشاكل زادت
بس المصري من الرملة يكسب
يفكر ويخلق اي حاجة يبعها
مش بيقولو الحاجة ام الاختراع
والمشكلة تعالي حاولي اتكلمي مع حد مش مصري تحاولي تحسني الصورة وتقولي في نماذج كويسة
ياخراشي
زورك يوجعك
وتخلصي يجي لترين ماية
بس اعمل اي
اهو بحاول
ما علينا بقى
كل واحد ونيته
والي يكون كويس يلاقي حد كويس
ولا اي رايك يا جميل
واحشششششششاني جدا يا دبة
يلا بقى ارجعي
ماتنسيش تيجيبي معاك مولتو
بحبو جدا
كرتونة مشكلة لو سمحتي
ههههههههههه
hesterue
اي دة يا ميدو
تجنن والله
اولا متشكرة لزياراتك للمدونة بتاعتي
بكون فرحانة كل ما زاد التعليق بتاعك
عشان دةدليل ان الموضوع عجب حضرتك
متشششششششششششششكرة جدا والله وفرحانة مووووووووووت
القصيدة تجنن
تسلم ايدك الي كتبت الشعر ونقتلتو
ويسلم عم سيد وكلماته والقلم الي كتب في
تحياتي ومودتي
true love
بيبو
ازيك يا جميلة
والله انك تحفة
بس كنت قلقانة عليك
طب كويس وفيك الخير انك طمنتينا
طب عاوزة اي مساعدة
هههههههههه
طب والمصري بره
تعالي شوفي
ناس بتقوم باعمال رهيبه وجميله في ظروف مناخيه ومعيشيه صعبه
لكن سبحان الله ربنا محليله عيشته
دعوه جميله لعدم تعميم الوحش
زمان قالو صوابعك مش زي بعضها
بجد
تحياتي
Post a Comment