تحديث
نظرا للردود الي جاتني حعمل توضيح صغير
حكايات الحب دي حتكون حكايات سمعتها شوفتها او عشتها
يعني ممكن كثير اكون مش بتكلم عن نفسي
اتمنى ان التوضيح دة يكون واضح
اكيد بتقولو طب ازاي حنعلق على البوست
عادي مفيش مشاكل سيبو التعليق لمجهول
****************
قالها واخيرا
بحبك
اجمل كلمة بحبك سمعتها
قالها وقلبي طار
طار ورقص وداب من الفرح
بس يا ريت ما قالها
بعد ما قالها قالي
ماينفعش
اي هو الي ماينفعش
ماينفعش اكون ليكي
انت تستاهلي احسن مني
اي الكلام دة
يا حبيبتي
في فرق عمر بيني وبينك
ماتنسيش بينا يجي فرق 8 سنين
طب فيها اي
مش انت قلت من 8 سنين فاتو عمرك ما حسيت بالشعور دة
حد خطفك من وسط الناس كدة بعد ما كنت ناسي نفسك
صح قلت كدة ولسة كدة ومهما لفيت مش حلاقي زيك
بس اضحك عليك صعب
مش حقدر اتجوزك
واتسلى بيك ماينفعش
اصلي مش انا الي اتسلى
ولا اعرف اعمل دة
غير انك ملاك مفيش زيو
خطف قلبي
معقولة العب بي
اكيد ماينفعش
بعد ما قال بحبك
قال بس ماينفعش نبقى لبعض
يا ريت قال ماينفعش وماقالش بحبك
حكايات الحب
31 comments:
Hi, there is my first time in your blog. it is lovely.
commenting on your post: I feel you and I feel your lover but unfortunately there is a lot of love that end by " ma yenfa3shi" and old and a young, a Muslim and Christian, a rich and a poor and many other differences. Who is ebn el kalb who said " life is fair" Life has never been fair. That is why you better take it easy and look for a smile to put in your face
i would like to thank you for your visit and thank you for your support, ya you are right, but maybe we deserve better that's why things not end happily,
Its life and we should live like this :)
ليمونادا السكر الزياده
وعهد الله الراجل ده بشتغلك نفضيله
أيه يا ختى فرق 8 سنوات
وده أنشاء الله عذر شرعى لعدم الحب أو الجواز
معلش يا ختى على دخلتى كده بس اصله حرق دمى
ومتنسيش تنفضيله
بحبك
السلام عليكم
جته وكسة يا ختي نفضيله يا حبيبتي ده بيستعبط يعني ليه غلب نفسه وجي وقالك الكلام ده جته نصيبة تاخدو
كلمة بحبك ممكن تسمعيها وتغمضي عنيكي هتحسي انك اتنقلتي لمكان تاني
بجد كلمة سحريه يا ريت كل الناس تفهم معانها لان من كتر مابيقولوها تأثرها بدأ يروح
عبد الله
عارف بجد ومن غير هزار
امبارح باليل
نفس الكلام بنفس الطريقة جي على بالي
وكنت حكتب بوست بالموضوع دة
مش عارفة هو دة اسمو اي
بس حضرتك سبقتني
مش مشكلة
متشكرة
اديتني تفاؤل
كويس في حد في الدنيا القاسية دي بيفكر زيية
اسمحيلى اقفش فى البيت الاخير
انا معاكى وبجد ياريته ما قال
نفس الموقف حصلى مع اختلاف التفاصيل والحاجة الوحيدة اللى كانت محيرانى هو ليه قالها
هم الولاد كده فاكرين الفراق سهل والااحنا اللى لازم نبقى جبلات وننسى بسرعة
مش عاوز اخرج من جو الرقة والكآبة اللي في البوست
بس عفوا
8 سنين فرق حجة أهيف من انها تتقال
لو في تفاصيل اكتر
ممكن تقولي
عشان نخبط براحتنا
في استفسار اخر
الفرق من اي اتجاه
؟؟
تصاعدي ام ؟؟؟
:شوفي يا ليمو, جربي هذه الخلطة السحرية
هذه الحبة قبل الفطور
هذه الحبة قبل الغداء
هذه الحبة قبل العشاء
هذه الحبة قبل النوم مباشرة
و غدا إحكي لي عن أحلامك
هههههههه
احمد
Mr. Coffe
عندي صداع جامد
وتعبانة جدا من الشغل
لو سمحت واحد قهوة وبسرعة يا ريت
واي تصاعدي وتنازلي
هو احنا في امتحان رياضيات
هههههههههه
بهزر يا عم
ماشي في القصة او الحالة دي كان الواد همممم
الواد مش الراجل مع ان كان في اواخر الثالثين
هو الي اكبر منها
تابع حكايات حب في قصة ثانية بس بالعكس
سندباد
متشكرة يا عم على الوصفة
حبقى اديها لكل واحدة عرفتها كان عندها المشكلة دي
بس لو سمحت سيب جنات ليا
اصلي بحبها جدا
احمد سلامة
نسيت حاجة
التفاصيل الكثيرة مش بحبها
خلي القصة كدة مفتوحة
كل حد يفكر اي الاسباب الثانية غير فرق العمر
حديك احتمالات
* متجوز
* مطلق
* صايع
*مش قد المسؤولية
* من مجتمع ودولة مختلفة
تفتكر اي الحاجة الثانية الي منعتو يتجوزها
الى مجهول
مش طلبك
ماشي
من يحب وبجد بيحب بيكسر اي حواجز
سن
فلوس
اهل
المهم يفوز بمحبوبته
اما دي انا بسميها تلاكييييييييييييك
اسف على الرد المتاخر
طب ايه يا نعنشة يعني انتي و لا مش انتي حيرتيني كدة بعد التحديث؟؟؟؟
بس 8 سنين ايه اللي مستكترهم بن الايه ده؟؟
انا شايف ان انا و بنات ال 18 متفقين موووووووت هههههههه
مش قوي يعني بس يمشي الحال
ابقي وضحيلي الموضوع ده بقى
بحبك ومينفعش..؟؟
حصلت
نحب...ومينفعش
يمكن للأسباب اكبر بكتير من فرق السن
فى قصتى
كان لازم يقول بحبك
وكان لازم يقول بعدها مينفعش
كان لازم يعرفها انه مش بيدبحها هى بس بقرار الأنفصال
بيقطع رقبته قبلها
بس الأكيد
ان فرق السن مكنش السبب
لا فى قصتى..ولا فى قصتك
تحياتى
اشفق عليك سيدي المجهول
حقا اشفق عليك
ان كنت حقا تحبها، فقد كذبت على نفسك. على قلبك، على سنواتك عمرك الفاني
و ان كنت لا تحبها، فقد كذبت، على حواء و ليس بعد الكفر ذنب
اتركوا الحب لمن يعرفه
كتكوا البلاوي مليتو البلد
:)
تحياتي لصاحبة المدونة و لا تحية لمجهول جاهل مثلك
زي
من اسفار ما بعد الخروج
اسكندراني اوي
يا عم طب ممكن تقولو للمجهول دة في نص وش الكلام دة
والله انت سكر وعسل ومية مية
---------------------
shah
بنت 18 متفق معاها
اي الفشر دة
ممكن تتفق معاها بس ماينفعش تتجوزها
خصوصا لو كانت تافه وعبيطة وبهمها بس المطربين والهبل الي بيحصل اليومين دول
حلوة النعنشة والفرفشة
بس كمان دي عمر طويل
مش لعب عيال
لازم يكون في جد وتحمل مسؤولية
ولا اي رايك
وعاوزني اوضح اي يا عم بالضبط
كفاية الي مكتوب
مختصر وجميل
ومقرف
بحبك بس ماينفعش
يلا بقى ربنا على المفتري
سلااااااامو عليييكو
دستور يا اهل البيت
مش عارف اقول ايه
الحكاية كده شكلها غريب خالص
انا في الاول افتكرت ان الفرق لصالحها ولكن من الرد علي احمد سلامة عرفت انه لصالحه هو
طب ايه المشكلة؟
يمكن الخوف؟
الخوف من المسئولية او المخاطرة او الوضع الجديد
يمكن
ويمكن زي ما قالوا الناس اللي علقو قبلي انه لا يعني ما يقول
وفي الحالة دي انا عايز اقول ان القرار ده يحسبله و لا يحسب عليه
لانه ممكن يطاوع الكذبة ويكمل وساعتها هاتكون هي اول الخاسرين و فشل العلاقة محتوم
فمن حسن حظها ان قرار الانفصال جاء قبل اي ارتباط رسمي
و انا ليا عندك واحد ليمونادة بس يكون ساقع لو سمحتي
:)
تحياتي
van Gogh
انت وهي بس الي يعرفو ان فرق السن كان بس تلكيك
بس يمكن كدة احسن ليها انها تسبو
واحسن ليك انك سبتها
ربنا حيعوض كل واحد
الطيبون للطيبات
وربنا عارف الي جوة كل شخص
وكلو متقدر ومكتوب
والنصيب نصيب
مش كدة
توضيح لا بد منه
لم يكن المقصود من تعليقي التجريح في أي شخص كان، فلكل شخص ظروفه
كان فقط تعليق على موضوع بحبك بس ماينفعش بوجه عام
و اعتذر لو كان تعليقي أساء لأي حد
تحياتي للجميع
زي
من سفر التوضيح
xee
كاتبتلك تعليق امبارح والله
بس النت وجوجل امبارح فجاءة نامو
هههههههه
المهم مفيش تجريح يا عم
هو لا موجود في المدونات ولا موجود عندك او عندي او في مصر
بعدين يا عم ينجرح ومالو
هو بس يجرح ويروح والبنت المسكينة تفضل مجروحة لوحدها
yamen
عجبني تفكيرك
عارف في الاول بكون الواحد مجروح ومتئلم وبيشتم وحجات
بس لو فكرنا بالعقل وبعد فترة من الانفصال بنشكر ربنا عشان لو فضل البنت والواد مع بعض واتجوزها كانت حتحصل مصيبة
يمكن عشان فرق السن هو عارف ان حيظملها ومش حيكون قد حمل جواز
لازم اوضح دلوقتي
الراجل كان متجوز وعارف ان مش قد المسؤولية
عشان كدة مش عايز يظلمها خصوصا انها رقيقة وبتحب اكثر ما بحبها
وهو كل حياتو كانت شغل في شغل
وشاغل نفس بالشغل
دة بيشتغل
24 ساعة
مش بهزر
يمكن هو احسن من رجالة كثير بحبو وبيتجوز وبعدين بيظلمو بنت الناس والعيال الي بيجوبوهم وبيظلمو نفسهم
هو صريح وصادق
شفت كل واحد بيفسر امور الحياة بشكلين
والاثنين صح
ان واحد مش كويس وبيتلكك
او ان واحد صادق وعارف نفسو مش قد الموضوع دة وخايف يظلمها
همممم
اي راءيك
الحقيقة انا طلعت فشار فعلا
و فعلا كنت شفت بنوتة كدة بنت 19 جايبنهالي عروسة
وحيات اغلى حاجة, هيا نسخة تانية من نانسي عجرم
بس اخر هبل
حاولت اطلع حاجة ابدااااااااااااااا
حلو و ماسخ كدة
انا بوافقك الرأي طبعا, في مرحلة كبيرة حصل للطرف الاكبر فيها نمو عقلي مختلف عن الاصغر تماما
و سلام مؤقت يا قمر
بس ممكن ابقى العب معاها بلاي ستيشن 2
النصيب
:)
shah
عارف انت تنفع مع بنت 19 سنة
يا عم اكبر شوية حرام عليك
الهزار جميل بس مش للدرجة دي
عارف يا شاه قبل يومين كدة دخلت المدونة عندك وشفت اكثر من بوست
كنت بتكتب حاجات جميلة لها معنى
في اي
الهبل بتاع البوستات الاخير دة لي
ركز وارجع انت كنت بتكتب اي وحتشوف انت عاوز شاه العاقل بتاع الهزار المعقول والحجات الجد الواقعية
ولا شاه الي مش عاوز الا الفرفشة والحجات الغريبة والهزار
احمد ولا ميدو
المهم مستر كوفي
فعلا النصيب
تحياتي لواقعيتك
أقولك حاجة حاتستغربيلها قوي
أنا بحب قوي الحب اللي ما ينفعش
وكل ما بحسالحب قوي.. وكل ما يسمو جواي أكتر ويلفه الرقي و العمق
كل ما بتمناله غنه ماينفعش
كل ما بتناله يفضل جوة قلب واحد بس
يعيش زي الوتر
ي جيتار فار من أي أوتار أخرى
جيتار بلا عازف
معرفش ليه كده يا ليمو
هو عارف انه ماينفعش طيب ليه قالها من الاول ؟ مكنش يعرف انه ماينفعش؟
بجد دي حاجة بقت تقرف
هنودة
عارفة الكومنت بتاعك
مش عارفة
بس
مش عارفة
يااااااااااااه
جميل خالص و ارجع من ثاني اشوفو واقول
ياااااااااه يا هنودة
جميل جدا
ربنا يخليك يا هنودة
________________________
sahr
مرحبا بيك في اول زيارة
والله مش عارفة قالها لي
بس مش دفاعا عن الرجل
هو ماكنش عاوز يقولها عشان عارف ان مش حينفع
بس قالهاعشان هو بجد بحبها
بعد فترة طويلة
وبعد المشاعر الي كانت مش مخليا يعرف يعيش قالها بس قبل كل دة كان دايما بقولها مش حينفع
وزي ما قال مستر كوفي
النصيب
تحياتي
Post a Comment