الصديق العزيز سندباد
ارسل لي تاج
مع اني مش من محبي التيجان في الوطن العربي
ولكن امري لله بقى
بس عشان خاطرك يا سندباد
اسم المدونة
ليموناضة
يعني حاجة صعبة على فكرة، اي السؤال دة يا عم
لماذا أخترته ..وما هى نيتك من وراء أختياره؟
همممممممممم
دي قصة طويلة
انا اخترته بعد جهد جهيد عشان ماكنش بشبه حد ليموناضة حاجة مفرفشة ولونها اصفر
انا بحب اللون الاصفر
بس غير كدة في قصة طويلة على الاسم دة حكتب بوست كامل عنو ان شاء الله
فكرت فى أغلاق مدونتك ؟ولماذا؟
للوقت دة لاء الحمد لله
اصل المدونة بالنسبة ليا تفريغ لمشاعر وافكار مش بعرف اقولها
عشان الناس المتخلفة الي في عالمي مش بيفهموها ولقيت في المدونات دي مكان لناس تفهم انا بقول اي
صورتك فى المدونه و رمزيتها؟؟
صورتي في المدونة
همممممم
انا معنديش صورة في المدونة دي
بس حاطة صور على الجنب لبنت شقية وطفلة ودي بتعبر عن الي جوايا
بحاول على قد ماقدر احافظ على الطفولة الي عندي مهما كبرت
اما الصورة الثانية وهي شجرة اليمون فدي شجرة جميلة ولسة بتكبر
دا مبدئي في الحياة مهما كبرت حتفضل طفل وتتعلم كل يوم حاجة
لما دخلت عالم التدوين من الأساس؟
كل الموضوع بالصدفة
كنت بدور في السيرتش على حفلات لعمر خيرت فلقيت كراكيب نهى
دخلت و من هناك بدأت اتابع مدونتها ومدونات الأخرين لمدة شهر تقريبا
حسيت ان الناس الي هنا ناس بتفهم وعندها حاجة تقولها ومش بتتسلى وتقول اي كلام وخلاص وكدة دخلت العالم دة
جمله قيلت لك فى وصف مدونتك؟
كل الكلام جميل بس بصراحة انا كثير بحترم وعندي تقدير لأول ناس دخلو مدونتي
سندباد
sendbad
محمد العزب
التعليقات بالنسبه لك..واهميتها؟
التعليقات مهمة جدا
بتعلم منها كثير بجد والله
كل تعليق في حدوتة ، معلومة جديدة وبتخليك تعرف الشخص الثاني اكثر
احلى بوست كتبته....ضع اللنك ثم أذكر لماذا؟
كل بوست بعبر عن حالة او احساس او شئ فيا
يعني اي حاجة حتكون جميلة بعض النظر كانت اي المهم انها بتعبر عني في مرحلة معينة
أفضل بوست قرأته ؟وضع اللنك؟
افضل
انا حاسة نفسي في امتحان اي يا عم افضل واحلى والحجات دي
كل واحد بروح مدونتو وبعلق فيها هو بالنسبة ليا افضل بوست
أفضل مدونه قرأتها؟
لا إله إلا الله
وبعدين بالسؤال دة احنا حنهزر، شوف الجواب الي فوق لو سحمت
عارف السؤال دة فاكرني بالأسئلة الي بتكون في الاستبيانات
الي بتسئلك نفس السؤال مليون مرة وهو هو مش متغير بس بغيرو اماكن الكلمات
هههههههههههههههههه
أسواء بوست أسواء مدونه؟
مش عارفة بس اعرف حقولك
هيحصل أيه لاميلك لما تموت؟؟
المفروض يقفل من كثر الجنك ميل الي في
أديتى الباسوورد لحد قبل كده؟
كتبت على ورقة وطلعت المقطم ورمتها من هناك
لو عاوز تعرف الباسوورد روح هناك ودور على الورقة
كانت أيه طبيعه علاقتك بيه؟
مين المقطم
هههههه
دة مكاني المفضل في ساعات الصباح الباكرة
اول شروق الشمس
أسمك؟
ليمو
او ليموناضة
المشهور بيه وسط أصحابك؟
كل حد عاملي اسم
يعني مثلا في
ك جي 2
نهى
وجلاكسي
وحجات كثيرة بس كلها هبل وبيني وبينك مش اي حد يفهم معنى الاسماء دي
عمرك؟
يا عم شوف البروفايل وانت تعرف
برجك؟
الدلو الدلو يحب الدلو
هههههه
دراستك؟؟مجالك؟؟
ادارة اعمال بس بشتغل في الدعاية والاعلام
شخصيتك نوعها ايه؟
يعني هي تشكيل ما بين الموز واليمون حسب المزاج واوقات بتكون مافينز او كيكة التفاح
السفر بالنسبه لك؟
السفر هو الهوا الي بتنفس بي كل سنة
وقت فراغك بتعملى ايه؟
حسب المزاج
يعني نوم او اكل او بشوف التي في
يعني
او ممكن اخرج بالعربية والف الف واسمع اغاني
المود بتاعك؟
ممممممممممممممممود اف ام
الأكله المفضله؟
كل حاجة من ربنا باكلها
معنديش مشاكل الحمد لله
الصفات التى أخذتها من بابا؟الصفات التى أخذتها من ماما؟
همممممممممممم
شكلي شبه مامتي الله يرحمها خالللللللص
انا نسخة عنها مفيش فرق
مش بيقولو الي خلف ما مات
اما بابا يمكن العند الي عندي دة منو
أكتر ست حاجات بكرهها؟
النفاق، الكدب ، صحبة المصلحة ، الغش، الخيانة، الغباء
أكتر ست حاجات بحبها؟
الصدق ، الضحك، الصداقة، مصر والنيل، الكانتلوب ، الموز
الشغل بالنسبه لك؟
طريقة لكسب العيش وتحقيق الطموح
الأنترنت بالنسبه لك؟
نعمة وابتلاء
معلش يا سندباد بس بجد انا مؤمنة بدة مش غش من جوابك
هههههه
أمرره لمين؟؟
محمد العزب
xee
طرح البحر
جهينة
الاستاذ محمد العشري
مريم
واي حد حابب الاسئلة دي ودخلة المدونة بتاعتي يجي ياخد التاج دا
وهلا والله وهلا
وبلا تصبو هالقهوة وزيدوها هيل
وسقوها للناشمى على ظهوررررررررررر الخيييل
21 comments:
متشكر يا يا ليمونادة
أحلى حاجة فيك بساطتك وروحك المرحة والإبتسامة اللي
بتطلع من حروفك
إنت كتبت تاج محل..أنا فعلا بتصورك هندية
ديما بتضحك
وبتغني من غير حد
وأتشي هي
أتشي هي :معنها حلوة بالهندية
ههههههه
نهارك نعنشة يا ليمو
هو انت كمان رحت الهند
هههههههههه
ماشي ياعم
بس مش قلتلك مش بحب التيجان
عشان بحب الأثار عشان كدة حطيت تاج محل
اصل التاج بيروح ويتغير من واحد لواحد او بيلزق في واحد
بس الأثار والتحف الاصلية بتفضل
ولا اي رايك
تحياتي المنعنشة
كلامك يدل على انسانه منطلقه بسيطه تحب الحياه مشرقه دأما
والحمد الله أنك جوبتى التاج عشان نقرب منك اكتر
ديما هطمن عليكى
في القلب
متشكرة على كلامك الرقيق
ومنتظرة زيارتك الدائمة
تحياتي
صباح النعنشة
ايه ياعم الاجابات الجامده دي
انا لسه كنت هابعتلك التاج ده بس سندباد سبقني
:):)
بس صحيح الباسورد اللي لاقيتها في المقطم دي بتاعتك؟
:):):)
سلام ياليمو
غمض عينيك- محمد
هو انت كنت امبارح في المقطم؟!؟
لازم عشان تلاقي الباسوورد تروح المقطم وش الصبح وتشوف اول نور للشمس وهو بنور القاهرة الجميلة
حعيط والله
واحشاني ممووووووووووت مصر
عارف وتكون بتشرب ناسكفية على الصبح كدة و تشوف عظمة ربنا ازاي الشمس بتيجي بتنور الدنيا بعد ما كان الليل بسوادو مخبيها ومغطيها
تسلم ايدك يا قمر
مش مع التاج كنت تعمليلي كدا كوبايه عصير او كيكه بالاناناس
الله تصدقي جعت
ههههههههههههههههه
بس ايه التاج الي بريحه الفواكه دا
جميل جدا حسستيني بالانتعاش والله يا بنتي
دايما يارب كدا منعنشه ومفرفشه ومتفائله دايما
متنسيش بقي معادنا في مصر عشان الحوار يا قشطه
تسلم ايدك يا قمر
السلام عليكم
شايفة "ويني" منور ازاي يا نعنشة وعرفت لوحدي
متشكرة على المرور اللطيف يا نعنشششششة
تحت امرك يا معلم
ليمو أنا قريت التاج كله بس مالحقتش أرد عشان أنا في مهرجان دلوقت و أطفال و العيلة و حاجات كتير قوي
بس أنا لازم أرجع و أرد تاني
ماشي
رقمي دلوقت عندك في الميل كامل
:)
و النبي ما تزعلي لما بتأخر .. إنت عارفة اسكندرية و دلالها
معقول ازعل من اختي يا شيخة
دي حتى تبقى قلت ادب
واحشششششششششششاني والله يا هنودة بجد بجد المدونات من غيرك مش حلوة
على فكرة كلامك جميل خالص في مدونتك
متشكرة على الرقم ومتشكرة على الزيارة جدا جدا
والله انت اصيلة حتى وانت مسافرة بتسألي
تحياتي القلبية
ليمو
انتى عديتى من اسئلة انا شايفة انها صعبة
بس هحاول اجاوب بصدق ومكنش مملة
ربنا يستر
وشكرا ع الدعوة
عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى
انا مش عايز حاجه
غير إني أسلم وأحيي الكل
ورقصني يا جدع
:)))
hehehehehehehe
لا والله مبسوط من خفة دمكو
إنتي وضيوفك العسل
ويا ريت أشوفكو دايما مبسوطين
وفرحانين
:)
hamdool/ Kuwait
تاج صرييييييييح جدا جدا
بس كده
جميل التاج
والاجابات حلللللللوه اوي
اشكر ليكي تشريفك اسكندريه
والله سكر يا ليمو
و مصر كمان بتومت فيكي
مش هنبطل تماحيك في المصريين ولا ايه
و ايه البؤ الجامد بتاع الخيل و القهوة و الهيل ده
متستضيفيني اسبوع كدة عندكم اصل كنت عايز زيت زيتون
لا اله الا الله
طيب وضحى انا اسمى محمد العشرى
نعمل ايه دلوقتى
يبقى التاج لمين فينا
للاستاذ محمد العشرى ولا ليا انا
shah
انت مش حتبطل لماضة
انا لسة شايفة التعليق دلوقتي
يا عليك حركات
ماشي
عارف حاجي الكويت واجبلك زيت زيتون اصلي كمان
hamdoooooool
دة ما يسمى بجو النعنشة
مش حتلاقي فأي مدونة غير عندنا
لو حبيت تنضم للنعنشة
اهلا وسهلا بيك
تنور
اسكندراني اوي
منور دائما ياعم
الصراحة راحة يا عم
ودي اجابات صريحة اوي
____________________
3abdo mehtas
يا عم لو حابب الاسئلة فمبروك عليك التاج
وحكون فرحانة لو اخدت
تحياتي
شاكرة مرورك
Post a Comment