واحشني كلكم ومش عارفة لو لسة فاكرني، بقالي فترة مش بكتب ومختفية عن العالم الحقيقي والافتراضي :)
شغل و خطوبه وحاجات جديدة عليا مش عارفة بتحصل مع الناس ولا بس انا
المهم يا اصدقائي اتمنى انكم كلكم بخير
لو فاكرين انا مرة كتبت عن روبي و كان التعليقات مختلفة عن بعضها
المرة دي بقى عندي فضول اعرف يا ترى اي رايكم باغنية روبي الجديدة
اللهجة الي واخداها ومبسطاها من اهل الاقصر والاسوان ولا لبسها الي في شويه فلكلور وتراث ولا المكان المتصور في الكليب
مش عارفة حيكون في راي جديد عنها ولا هو هو مفيش تغيير
انا عني الاغنية عاجباني جدا
بجد نفسي اكتب كثير واقول حاجة اهم من الموضوع دة بس عايزة ادي لنفسي وقت وتركيز لما اكتب بحاجة اعمق من كدة للمرة الي جاية
اتمنى انكم بصحة وسلامة
واتمنى ان رائحة الليمون لسه بتفوح من المدونة بتاعتي
تحياتي
ليمو
7 comments:
ليمو .. أنا دخلت على مدونتك بالصدفة لفة طويلة قوي و في اخرها لقين تعليق كنت عاملاه على مدونة في 2007 و دخلت على مدونتك
المهم ان مدونتك عجبتني جدا .. و الأغنية لذيذة مع اني مكنتش بقتنع بروبي و امثالها خالص
و ان شاء الله هتابع مدونتك اللي وضعها القدر في طريقي
تحياتي
لسة بتفوح يا ليمو
مع أول حرف بتكتبيه بلهجتك المصرية اللي بموت فيها منك بالذات كل ذكريات المدونة ده بتعدي كده قدام عيوني
وفاكرة جدا بوست روبي عشان كان من أول البوستات اللي اتعرفت عليكي من خلالها و فاكرة الحوار اللي دار بينا
وفاكرة الانطباع اللي سابهولي عنك و اللي حبيته جدا
واحشاني أكتر ما هو باين علي فكلماتي
أنا ماشفتش أغنية روبي للأسف لأني مش لاقية وقت خالص للتلفزيون وحتى النت
بس حاشوفها و أرجع اتكلم معاكي عنه
فيه كومنتهناك في قوس قزح
واحشاني من قلب قلبي
كويس جدا انك بخير ابقى طمنينا عنك
ليموووووووو
ليكي وحشة كبيرة اوي اوي
اخبارك ايه؟ وغايبة ليه؟
كنت في الاردن الاسبوع اللي فات بس مقدرتش انول فرصة اني اكلمك بس ملحوقة ان شاء الله
حلوة اغنية روبي الجديدة عجباني الصراحة
مستني ويارتك
محمد سمير
أديكي غبتي تاني يا ليمو
فينك بقى
نفسي ترجعي تاني بجد و تملي المدونات زي الاول
ليمونادا طبعا فاكرينك على فكره كتير مننا فى فترة استرخاء او انشغال بظروف زيك كده
مشفتش اغنية روبى بس لما اشوفها هبقى اقولك راى
يلا انشرى عبق الليمون مرة اخرى
اللمون و النعناع وكله فايح على الاخر و لسة بخيره
حتى هفكرك اني فاكر انك شبه روبي
صح؟؟
Post a Comment