ليمو 2008
انسانة جديدة بتحافظ على صفاتها الي كانت قبل كدة فيها بس مش بتتعامل مع كل الناس بنفس الطريقة
لسة هي المنعنشة والمفرفشة بس الي بتفكر في عقلها اكثر من قلبها
حياة عملية و اسرية وعاطفية جديدة
اتخذت قرار اني ما استعجلش حاجة
اعمل كل حاجة على نار هادية خالص وافكر واوزن الامور واختار الي احسن
ولو ملقيتش الاحسن او حسيت في شك من ناحية حاجة او شخص اتعامل بطريقة عادية جدا
عارفين مع اني بقالي سنين كثيرة بتعلم وبشتغل من عمري 19 سنة ومريت باوقات صعبة جدا بس السنة الي فاتت علمتني كثير
يمكن السبب هو المدونات ويمكن اني بجد كبرت وعقلت بس برضو ليمو حتتمسك بنعنشتها وطيبتها بس مع الي يستاهل
متاسفة اني مش بكتب بقالي فترة وعاوزة اشكر كلي الي اطمنو عليا سواء كلموني او بعتولي مسج او كومنت
بس برتب اولويات حياتي وراجعة بحجات جديدة
تحياتي المنعشة بشكل جديدة ومعطر برائحة زهر الليمون الي يا رب تفوح في كل قلب يمر على المدونة :)
ليمو
ملاحظة: اغنية المدونة بتعبر عن ليمو الجديدة
17 comments:
:)
رائع
للنهايات دايما شجن عذب
وللبدايات دايما صفاء الندى ..وبكارة الندى
والكلام عنهم دائما بيكون حلو
تمنياتى بأيام جميلة واحلام تتحقق
:)
يسالنوني ويقولوا ليا يا واد يا استاذ احمد ايه ارخم حاجه في المدونات ؟
اقول لهم اني مبعرفش اصقف في التعليقات لما بقرا حاجه عجباني
برافو يا ليمونادا القرار ده كان لازم يبقي من بدري حبتين بس جميل انه جه
اتمني ليكي مستقبل منعش
كوني كما تريدين
فهي دي النعنشه بعينها
دمتي بخير
دمتي مفرفشه
الحاجة الغالية غالية
و ليمو دماغها عالية
:)
فكرتيني بأغنية
حأصير إنسان جديد
هههههه
....
ليمو خدي نفس منعنش
وتوقفي لحظات تفكير في الماضي اللي فات و المستقبل اللي آت
الشخص لما بيرتب أفكاره و أحاسيسه بيصير أحلى
ليمو إنسانة كانت دوما جميلة وأكيد ليمو 2008 حتكون أجمل
نحن في إنتظارك
مجرد مروري عندك ياليمو بيشعرني بالفرفشة والنعنشه ورائحة الليمون
خليكي دايما كده ليمو المفرفشة
تحياتي ليكي يا ليمو
صباحك نعنشة
محمد سمير
يارب كل ايامك تبقي منعشه يا ليمو يا جميله
بس انا عايزه اعرف ايه السبب في التجديد يعني؟
سؤال برئ والله
مستنيه الاجابه يا بنتي
ويا مساء النعنشه والفرفشه
تحياتي ليكي يا سكر
ليمو المنعنشه دائما وابدا ان شاء الله
مبروك نيو لوك 2008 يارب تكون سعيده عليكى يارب
اتنى واختارى برحتك وافتكرى دائما وابدا انك بتختارى لنفسك مش لحد تانى فراعى نفسك اولا واخر
الاغنيه شديده رغم انى كنت فاكر انها حتكون حاجه لعمرو مصطفى بس بجد تحفه قوى
يا دماغك العاليه
مبروك الشكل الجديد, و يارب كل سنين عمرك أجمل
كلامك فرحني قوي يا ليمو
كل الناس بتتعلم من الدنيا ومن التجارب و الظروف اللي حوليها
بس للأسف معظمنا بيتعلم بالسلب
بحساسية
وبيتولد مع اللي اتعلمه يأس أحيانا أو بيتولد اللي أكبر منه.. هو الخوف و التحفز
لكن أجمل حاجة هو اللي حسيته فكلامك
السلاااااام الداخلي اللي يخلي الواحد لما يتأذي يتأذي بهوء فيخرج رد فعله بهدوء.. فيتعلم من اللي أذاه بعقل و حكمة و ماياخدش من الموقف غير المفيد وبس
لو تعرفي واحشاني أجواء مدونتك قد ايه
انت كلك على بعضك واحشاني مووووت
يلا بقى ورّينا الجديد خلّي التواصل يبقى رايح جاي زي زمان
:))
hesteura
يعني بجد سنة جديدة واول بوست ليا في السنة الجديدة
اول تعليق علي من بورسعيدي جامد جدا :)
تحياتي ومتشكرة جدا لزيارتك وكلامك
وبخصوص الاحلام
مش عارفة كفاية احلام
سنة 2008 لو فيها احلام لازم اشتغل كويس عشان الاحلام دي تبقى حقيقة
مفيش احلا من انك تعيش في حقيقة
اصل الاحلام لو فضلت احلام حنعيش في وهم يتعبنى ويعذبنا
الله الله يا احمد
منور بجد
وفرحانة معقولة الاستاذ احمد :) بيعلق عندنا
ياما بشوفك في مدونات ثانية وكنت بقول امتى يجي يعلق عندي
على فكرة القرار دة من نهاية السنة واخداة بس البوست اتاخر شوية
وبخصوص التصفيق متشكرة بجد اخجلتم تواضعنا
منور يا باشا دايما وعشان اول زيارة ليك ومن غير ما اعلق ولا تعليق في مدونتك حتكون هديتك لسنة 2008 من مدونة ليموناضة كاس ليموناضة على مدار السنة كل مرة بتنور المدونة بتاعتنا :)
اسكندراني
كلامك مية مية
============
سندباد
مش عارفة بخصوص ارتب احاسيسي دي
هو في حد بيرتب احاسيسو
انا بعرف الناس بتضبط احاسيسها بتركز اكثر كدة يعني بس بترتبها؟
المهم ليمو 2008 تعجبكم
اصل ممكن ليمو 2008 تعجب ليمو بس
والماضي دة فات وعادى نعمة من عند ربنا انا بنسى الحجات الوحشة في حياتي حتى لو كانت جوايا بس بتكون بعيدة جدا جدا وبخليها مدفونة عشان مش
بتستاهل انها تصحى من ثاني
الا الحاجات الكويسة دايما فكراها ومش بنسى حد عمل او ساعد ليمو في حاجة ابدا ودايما مهما كنت او بقيت مش بحب انسى حد ساعدني او عمل حاجة كويسة معايا وبنية صادقة وحقيقية
تحياتي
غمض عينيك
عارف يا سمير حتضحك
عارف اي الي بخليني منعنشة وبفكر بطريقة مختلفة
ومش هزار بجد
نجيب ساويرس
ولما شفت التعليق بتاعك افتكرت اني كنت حعمل اول بوست ليا عنو عشان بقالو فترة من اول السنة كل ما افتح اي قناة الاقي بيتكلم
بس قلت بلاش نزعل جماعة فودافون:)
والله تحفة الراجل دة
يا رب تكون شوفت مقابلة بتاعتو على المصرية ببرنامج اتكلم يوم 1-7 في نفس
عيد الاقباط
لو مشوفتوش بجد حاول تجيب التسجيل وتشوف قال اي كفاية الناس العادية قالت اي واتكملت من كل الديانات والاعمار حتى الي شتمو المهم مش حطول في الكلام
سلام ومليون سلام لجميع شبكات الموبايل في مصر
جي جي
برئ مش كدة
ماشي مش الي في بالك
وبالعكس انا بكون اخر انبساط ونعنشة لما اكون لوحدي ومش مرتبطة بحد ودي حاجة غريبة جدا فيا
يمكن عشان لما اكون مرتبطة بحد بدي كل الي عندي و بنسى نفسي؟
عشان كدة حتى اصحابي بحسو فيا عايشة احسن
كدة واضح يا بتاعت السؤال البرئ :)
رئيس الجمهورية بتاعتو ازيك يا استاذ
حلوة استاذ دي مش كدة
كلمة واحدة وجامدة قلتها
دماغي عالية جدا :)
وبخصوص عمرو مصطفى انا كنت حنزل حاجة لي بس قلت دي لايقة عليا اكثر اليومين دول غير كدة عمرو متجوز وعندو عيال بلاش نعمل مشاكل
هههههه
مش عاوزين ناس مطلقين زيادة في المجتمع المصري
shah
فينك يا معلم اختفيت
انا افتكرتك توهت في ايران
هههههههه
==================
هنودة
عارفة يا هنودة والله انت من اكثر الحاجات الي خلتني فرحانة السنة الي فاتت
معرفتك بجد حاجة كبيرة
وبخصوص الهدوء ده خالص مش عندي
المهم اني مش بخلي اي مشكلة تفوت كدة
هو صحيح اني مش بتعلم الا لما اقع جامد بس المهم اني بتعلم جامد جدا من الاخطاء بتاعتي حتى لو كان استغلال ومش غلط مني بس برضو بتعلم
انا دايما بقول اني دايما كسبانة
الحمد الله
Post a Comment