النهارده عيد ميلادي
مش عارفه شعوري اي
مشاعر غريبه جدا
امبارح كان يوم خرافي
كنت مبسوطه بعدين تحول الانبساط لاكتئاب وبعديها لحاله جنون ونعنشه ورقص
عملت لنفسي في اخر الليل حفله لوحدي
فتحت على قنوات الاغاني التافهة وبقيت ارقص و على وسطي لبسط اشارب جبت من مصر وجننت اختي في رقص هبل وتخويت اشي سلو واشي رقص شرقي واشي رقص اجنبي يعني هبل
عملت حفله ليا لوحدي من العاشره باليل حتى الثانيه عشر تقريبا
بعد كده مش عارفه السخرية دي
اول شخصين كلموني كانت مطلقين
حاجه غريبه مش كده
شكلو على ال 27 العمر ده يعجب الناس المطلقه
ما علينا
المهم من الصبح وانا بستقبل التلفونات والمسجات مع اني بصراحه الي بعت مسج بقولها بصراحه بحسها بايخه جدا
يعني كلو يوم في السنه طب يعني كلموني يا جماعه
ما علينا
المهم الشعور غريب جدا مع اني كنت من سنوات بستنى اليوم ده عشان مش حيحصل ثاني ان عمري يكون 27 ويكون اليوم 27/1
وانا بحب رقم 27
يا رب يكون خير عليا وسنه جميله مع اني كل دقيقه بتمر بمر عليا بحس بشعور غير الثاني
مره فرحه مره مش طايقه نفسي ومره شعوري غريب مالهوش معنى
كل الناس حوليا بس بحس نفسي وحيده
الحمد الله على كل شئ
والحمد الله عشان حولي اصحاب بحبوني
وصلني ورد جميل جدا مع لعبه
وورد ثاني احمر حاجه مفيش اجمل من كده
عارفين بفكر تفكير مجنون اني انزل مصر قريبا عشان بجد مخنوقه
يا رب بس الموضوع ينفع واحتفل بعيد ميلادي حتى لو الوقت فات
بس بجد محتاجه لوقت جنان
معلش يمكن قلبت الموضوع غم ونكد بس يعني ده احساسي في الوقت ده
يمكن كمان دقيقه يتغير حسب الي بيحصلي في اليوم الغريب ده
10 comments:
happy pirthday to you
you look like a monky
and smell like one too
من فيلم مادغاشقر
كل سنه وانتي طيبه
وبعدين يا ستي مش رقصتي وفرحتي مع نفسك هو ده المهم
بس ابقى لما تيجي تحتفلي في مصر مترقيش لحسن هياخدوكي على السرايا الصفرا عدل
كل سنه وانتي طيبه
عقبال ما تحصلي القرن ال27 علشان تنبسطي
سلاااااااااااااااام
كل سننة وانتى طيبة يا قمر وبعدين دى حالة عامة يعنى ماتخديش فى بالك
كله بيعدى
وبجد بجد لازم تعيشى ايامك
عيشيها ومن غير خوف ومن غير تردد ومن غير ندم على حاجة لان دى اكتر حاجة بتضيع مننا ايام من حقنا نعيشها
ربنا يسعدك
السلام عليكم
وانا بقول البنت خلتني ازبطلها قنوات الستلايت
وبعدين زحلقتلي وخلتني اروح بالشتا والدنيا ليل وبرد ليششش
همممممم عملتي حفلة من ورايا
كل سنة وانت سالمة يا عثلللل
:)
ولا يهمك
Happ Birthday To You
Happ Birthday To You
Happ Birthday To You Lemo
Happ Birthday To You
Wish Ur Wish
Hoffffffffffffffffffff
الشنكوتي الكبير
وانت طيب يا جميل
وبخصوص السرايا الصفرا
تف من بقك يا معلم في اني
ليه بس القر ده
ويا عم احنا ناس جدعان ماتقلقش علينا
==============
مريم
ازيك وفينك من زمان
بجد وحشتيني وبحب اجي المدونه بتاعتك عشان برتاح فيها جدا وبحس انك بتعبري عن حجات جوايا بس مش بعرف اكتبها اوقات
متشكره على زيارتك
وبخصوص حكايه اني اعيش
بعيش وبنفض وبكبر دماغ كمان
بس اليومين دول مش عارفه مالهم بس النهارده فكيت والحمد الله بقيت احسن
ناني
يا مجناني
بجد متشكرة على هديتك التحفة في المدونة بتاعتك
مش عارفه اقول اي ومش حعيد الي قلتو عندك عشان مايبقاش نفاق وانت اكثر واحده عارفة اني مش بحب النفاق
وبما انو بقى عندي عقدة من الناس الي بيتكلمو ومش بعملو بالي بعملو فانا حسبتلك بالحياه الي بنعشها اني ان شاء الله حنكون اصدقاء العمر
يا رب يناولك الي في بالك يا ناني وترتاحي
-------------------------
شاه
فين الهديه
الكلام ده مايمشيش عليا
ابعت شيك لو سمحت برصيد مكشوف
انت الي قلت انك مش لاقي هديه بالمقام
عشان كده زي ما بقولو
جنت على نفسها براقش
وبشيك مفتوح ساعتها تكون بالمقام
هههههه
مش كده يا حضرة المحاسب الكبير
سلام يا عم
الف الف مبروك يا ليمو
معلش ع التأخير
عديها بقه
عقبال ميت سنة
تصدقي زعلت من نفسي قوي يا ليمو!!
كل سنة و إنت طيبة و سعيده و فرحانة و قلبك الطيب يتملي خير أكتر و أكتر مهما كان ده بيتعب
بس تعب الطيبة جميل و راقي و مُرضي وغالي كمان
أنا ما ماقدرش أغيب عنك غير للشديد
وإنت عرفة اللي جوة لما يكون شديد بيبقى أشد من أي حاجة تحصل من برة
مش عاوزة أغلس بكلام دمه تقيل
كل سنة و انت طيبوة يا ليمو
كل سنة و احنا صحاب و قريبين و غاليين زي ما إحنا
وحشتيني ي ي ي ي
وبجد آسفة
hesteura
اعديهاالشارع مثلا يعني
ازاي يعني
وش بيغمز
----------------
هنودة
مش عارفة اقول اي
انا زعلانة اكيد منك
بس شكلك مش مبسوطة خالص وبقيت قلقانة عليكي
حكلمك في اقرب فرصة يا رب تكوني بخير
لا و النبي
الله يخليك ما تزعلي مني
بجد ما بتغبيش عن بالي .. و المفروض انك عارفة
أساسا ممنوع تزعلي مني
:(
Post a Comment