ويجا 2

حتكلم عن حالة في الفلم المرة دي يا رب تركزو معايا وانسو الفلم كانكم بتسمعو القصة اول مرة وركزو في الكلام

------------------------------------------------------------------

في الفلم حالة حب غريبة جدا ممكن تكون غير منطقية وممكن تكون منطقية بس بتحصل في حياتنا

علاقة هاني مع دولي(سارة في الفلم) الي عمرو ما عرفها وشافها وبفترة قصيرة جدا جالو احساس ان دي هي الي حتكون مراتو واساس حياتو بحبها وبجد وحس معاها شعور عمرو في حياتو مع حسو مع حد ثاني

اتمنى انكم تنسو تفاصيل الفلم وان دولي كانت بنت مش كويسة انا دلوقتي بتكلم عن الفكرة

فكرة ان الواحد يحب واحدة بالسرعة دي و يكون عاوز يتجوزها ويرتبط بيها

هو الاحساس كفاية يلا نشوف كان كلام هاني اي عن الموضوع وباتمنى انكم المرة دي التعليقات تكون مركزة معايا وخصوصا الشباب

--------------------------------------------------------------------------

هاني :انا بدور على البني ادمة الوحيدة الي حسيت معاها احساس عمري في حياتي ماحسيت مع اي وحدة قبل كدة
لو لقيتها ممكن اغفرلها واعيش معاها
الفرق بيني وبين ابراهيم اني بدور على الحب مش الكراهية
كل العلاقات الي بين الناس لو دورو على الاسباب انهم يكرهو بعض حيلاقو مهما كانت بينهم حجات حلوة
ولو دورو على الاسباب الي تخليهم يحب بعض حيلاقو مهما كانت بينهم حجات وحشة
حبيت سارة ومتاكد انت احساسي صح

متاكد ان فيها حجات نضيفة

----------------------------------------------------------------

عارفين حاجة المقطع الي بيقول في ان كل العلاقات الي بين الناس لو دورو على الاسباب انهم يكرهو بعض حيلاقو مهما كانت بينهم حجات حلوة
ولو دورو على الاسباب الي تخليهم يحب بعض حيلاقو مهما كانت بينهم حجات وحشة

بجد المقطع دة صحيح لو عزت تحب حد حتحبو وحتلاقي الي تحب في ولو بتكرهو او حتكرهو حتشوف الي بتكرهو

لو فكرنا في عقلنا شوية حنلاقي ان الكلام دة صح بس لازم نفتكر ان لو فكرنا بالقلب بس حنلافي بس الي الصفات الي بنحبها في الشخص

عارفين لما اثنين بيتخاصمو اوقات الفترة دي كل طرف حيلاقي مشاعر و ميزات عند الثاني جديدة ممكن يحبها او يكرها

عشان كدة الخصام كويس

والله بتكلم بجد مش بهزر

شكلو موضوع ويجا دة حكتب عنو كثير معلش استحملوني بس في اجوبة محتاجة اعرفها من شخصياتكم في الحقيقة شباب وبنات

على فكرة مش ناسية موضوع السفر بتاع الاقصر واسوان حكملو وعد مني بس موضوع ويجا او شخصيات الفلم شغلاني اليومين دول

تحياتي وخالص احترامي

:) ليمو

ويجا

ويجا

فلم اخراج خالد يوسف
بطولة:منة شلبي، وهاني سلامة، وهند صبري، وشريف منير، دوللي شاهين، ومحمد الحلفي

شفت الفلم من زمان بس قبل يومين وانا في البيت لقيت نفسي قايمة قالبة الدنيا على الفلم عشان اشغلو واحضرو

مع اني في الحقيقة مكنتش حابة الفلم دة اول مرة شوفت
بس المرة دي في جمل و قصص في الفلم شادتني جدا
بتمنى من كل حد حيدخل المدونة بتاعتي يعلق بالتفصيل او على مقطع من المقاطع الي شدتو اكثر ويقولي رأي اي
بجد نفسي اعرف سواء شب او بنت راجل او ست متجوز مطلق بحب او بيكره بيحس في اي
واحنا مختلفين كدة لي بنقبل حجات على نفسنا بس مابنقبلهاش من حد ثاني
بنجرح ناس و نطنش ولو حد جرحنا بنولع بنفسنا


اتمنى ان كل واحد حيدخل المدونة ويشوف الموضوع دة يعلق ويقول لاي حد حتى لو ملوش في عالم التدوين او مش بيزورني في مدونتي ان المرة دي يجي ويعلق


متشكرة ليكم من قبل ما اشوف اي تعليق :)
التعليق بتاعي باللون الاحمر :)
------------------------------------------------------------------------------------------------

شخصية ابراهيم: محمد الحلقي

بيقول لهند صبري لما يعرف ان منة شلبي جاية معاها الغردقة

بس انا زهقت من النكد

هي جملة صغيرة بس دايما الشب بيقولها

بيقولها امتى ولي

طب هو عمرو ما فكر ان النكد بتاع الست بسبب ان مش راضي مراتو او حبيبتو

ناسيها مثلا وان المشكلة بي هو مش فيها ؟!؟
مثلا شوفو لما ابراهيم الي هو في الحقيقة محمد خلقي بيقول اي دة دليل ان كلامي الي فوق صح

مريم - منة شلبي بتقول ل ابراهيم


مريم: مابقتش تحبني
ابراهيم: عندنا بيت في مصر نتكلم في، عديها
مريم: بيت ؟! البيت الي كل ما اكون في يا اما ماتقيش في يا اما تنام وتسبني

شوفتو مش قلتلكم يعني هو سبب النكد بالاساس

لو مهتم بمريم ماكنش في النكد دة

صح ولا اي رائكم؟!؟


المقطع الي جاي هو اجمل جزء بالنسبة لي في الفلم
عشان حالات كثيرة في الواقع موجودة
شوفو كدة، لما مريم بتحاول تعرف هو ابراهيم مالو بيتلكك



مريم: يعني اي
كل حاجة حتنتهي بالبساطة دي
ابراهيم: انا فاكرت كثير
من مصلحتك ومصحلتي ان
علاقتنا لازم تنتهي



على فكرة مازعلش مني الشباب بس دي كلمتهم المعتادة قال اي لمصلحتنا

مريم: مصلحتي اي في مصلحتي اني ضيعت سبع سنين معاك
مصلحتي فين وانا حياتي كلها وقفتها ليك
اقطعي مع صحاب القدام حاضر
مش حنقدر نتجوز دلوقتي نكتب ورق عرفي حاضر
حتى ظروفنا تتحسن حاضر
ماحدش يعرف حاضر
احمل مرتين وانزل وبردو حامل

الغلط الي دايما بتوقع في البنت انها بتتنازل اكثر ومع حد مش بيستاهل
ولما تحب بتتجنن وتنسى نفسها عشان الي بتحبو وبعدين كل المصايب بتيجي على دماغها عشان الشب في الاخر بيسبها وهي الي حتكون المصايب فوق راسها

بس هو لي دايما البنات كدة

مش بنتعلم ولا اي؟!؟؟

ابراهيم: بلاش تركبي كل مصايب الدنيا فوق دماغي
انا لو معنديش ضمير انا مش خسران حاجة من علاقتنا بشكل دة

دي كمان كلمة الشباب قال اي هو كويس وبيخاف عليها

متاسفة بعلق وبقطع الكلام عليكم

كملو ابراهيم قال اي

ممكن استمر معاكي واضيعلك بقيت عمرك
النهاردة احسن من بكرة

مريم: لي
لي النهاردة ولي بكرة
لي منعلنش جوازنا
ولا خلاص الحب الي قعدت توهمني بي راح
وزهقت من اللعبة الي قعدت تتسلى بيهاسبع سنين

طب هي الوحدة لي بتتنازل كدة وتضيع عمرها بالشكل دة

مش عارفة والمشكلة اوقات كثيرة البنت بتلاقي حد يحبها بجد ويحترمها وشاريها وهي بتروح للي بايعها

هو اي السر بقى

اي رأي البنات في الموضوع دة

ابراهيم: انا ماكنتش بتسلى بيكي
انا حبيتك ولسة بحبك بس الجواز يلزمو حجات غير الحب

يا سسلالالالالالالالالالالالام لسة بحبها بس الجواز عايز غير الحب
عايز اي يعني
هو احنا مش شايفين الي بيتجوزو بس مش بحبو بعض
سنة ولا سنتين المشاكل بتولع بنتهم يا يعيشو مش طايقين بعض يا يطلقو في النهاية
هو الحب بقى حاجة رخيصة ومش مهمة
ولا احنا نسينا معنى الحب

طب شوفو ابراهيم قال اي الحجات :انهم مختلفين
مختلفين في حجات كثير
ولا عاوزانا نتجوز النهاردة ونتطلق بكرة

هو اكيد في اختلاف بين البشر ولا مش معقول نكون متشابهين
هو دة ممكن يكون سبب مهم عشان اثنين مايرتبطوش مع بعض؟!؟

مريم : كل حاجة ماكنتش عجباك فية غيرتها
عشان ارضيك

هو الواحد بيتغير بجد عشان يعجب الي بحبو
ولا بيوهم نفسو
ولا مش لازم يغير في نفسو والي يجي يحب يحب الواحد بكل ما في
بس مش ممكن يعني يجي حد يحب كل حاجة
زي ماقلنا في اختلافات غير ان مافيش انسان كامل

ابارهيم: اديكي قولتيها
عشان ترضيني
مش عشان مقتنقة ان سلوكك وطريقة حياتك زمان كانت غلط

طب يعني هو كان شريف مثلا هو كمان كان بيغلط ؟!؟
وعشان هي قالتلو ان كان في قبلي علاقة واحدة خلاص ماينفعش
ولي بيقبل على نفسو يغلط وهي تسامحو بس هي لو علطت يا خررررررررراشي مش حينسى دة العمر كلو ويفضل يعاتبها لآخر العمر

مريم: كانت غلط والله كانت غلط
وقلتلك دة بدل المرة مليون
انا كنت مستهترة و ضايعة وربنا بعتك ليا عشان ابقى بني ادمة ثانية
ابراهيم : دة مش صحيح انت بتخدعي نفسك
انت نفس البني ادمة
واراهنك لولا انك بتخافي زمانك بقيتي زي ماانت
اني اخاف على زعلك وحاول ارضيك ابقى وحشة واستاهل ان
مش قصدي كل الي اقصدة اني عاوزك تريحي نفسك لو كنت اسعد في حياتك الاولنية ارجعليها

مريم: الي يسمعك يفتكر انك لمتني من تحت عامود في شارع جامعة الدول
انا كنت مستهترة بس ماكنتش صايعة عشان كان عندي علاقة واحدة قبل مااعرفك
انا اشرف من ناس كثير

شوفتو حتى لما اعترفتلو وكانت صادقة معا وكمان حاولت تتغير وهو مش ناسي ولا مقدر هي بتعمل اي
طب هو الراجل عاوز اي
عاوز واحدة تعمل نفسها ملاك ومؤدبة
والله اوقات بتعصب
بعرف بنات مهببيين في حياتهم
بس لما ينشنو على شب
يقومو عاملين نفسهم ملاك
ويكدبو على الشب ويعيشو دور البنت الرقيقة البريئة
هو الرجالة بيعجبهم الموضوع كدة
قولولي
طب ازاي الواحدة تبتدي حياتهم مع شريك حياتهم على الكذب
طب لو ابتديت كدة ازاي حتستمر؟


في عندي كلام ثاني اقولو عن الفلم
بس خلينا نخلص من موضوع مريم وابراهيم دة
والبوست الي جاي حيكون جزء ثاني من الفلم

يوم طويل جدا

اليوم الاول

الساعة السادسة صباحا

صحيت على صوت صلاة العيد واختي الكبيرة الي صوتها عالي جدا فما بالكم لو جاية الصبح بتصبح في العيد على بابا عشان تروح معا على منطقة اسمها اربد عشان مقبرة عائلة الوالدة ربنا يرحمها هناك

صبحت على الكل صحيت اختي الوسطى

بدلعها ديلو وهي رفيقة دربي في جميع الاسفار تقريبا وبحبها جدا مع الاختلافات الكبيرة بينا

اتجاهنا الى مطار ماركا في عمان

هو اول مطار في الاردن

صغير وقديم بس منو الرحلات تقلع لشرم و مرمريس وانتاليا واسوان والاقصر والغردقة

خلصنا جميع الاجراءات وانتظرنا في قاعة المسافرين وهي صغيرة جدا

في منطقة مخصصة للتدخين والناس الي بتشرب سجاير بتشرب في المنطقة الي ممنوع فيها التدخين

حاجة غريبة والله

المهم الشلة كان عددها تقريبا ثمانية

من ناحيتي الي اعرفهم اختي وصديق العمل القديم القديم من يجي 7 سنين رامي

و رامي جاي معا دينا ودينا جايبة معاها ابنها ايمن وكمان صديق العائلة بتاعهم غريب الاطوار والافكار بس بيوقعني من الضحك ناصر الي كل مانده علي اقولو اسم ثاني

وفي اثنين اجانب من شركة رامي ودينا هم فيكتور و دنيس

هي اسمها مش دنيس حاجة كدة بس مش فاكرة :)

المهم انتلقنا الى الطائرة والي استغربتو بعد الاقصر عن عمان

الطائرة اخدت ساعة ووثلث حتى وصلنا مطار الاقصر

وبصراحة بصراحة

كنت مدهوشة جدا من المطار والنظام

زي دايما كنت اول واحدة بخلص الاجراءات والورق مع ان الضابط كان بيزعق على الكل عشان يملو الورق بعيد عن الكاونتر

انا طنشت الموضوع وقدامو مليت البطاقة ودخلت :)

اتجاهنا الى الحافلات و كل حافلة كان عليها اسم الكروز الي حتتجه لي

الكروز بتاعنا كان مس ازيدورا

فضلنا قدام مطار الاقصر في الحافلة يجي نص ساعة عشان التنظيم العربي المفتخر

كل شوية يجي الجايد يقول كلكم على ايزيدورا

متاكدين

طب نشوف الاسماء

يعيد الاسماء ثاني

يا عم قرفتنا يلا بقى نمشي

في النهاية الحافلة اتجهت المفروض للكروز بتاعنا

وصلنا يلا يا جماعة انزلو وسيبو شنطتكم

اي !!؟؟

يا انزلو و سيبو شنطكم وبعدين فين ايزودورا احنا مش شايفين كروز اسمو ازيدورا

معلش بس انت امشو اهي هناك بس انت مش شايفنها

ماشي حنمشي بس ومعانا الشنط مش حنسيب الشنط

نزلنا ومعانا الشنط

الجايد الي بيستعبط بيقول يلا يا جماعة اتفضلو

----------------------------

اتفضلو !؟؟؟؟

انت اعمى يا عم نتفضل فين دي نيل رويال مش مس ازيدورا

معلش هم كلهم نفس بعض

لا يا راجل انت ضارب حاجة اي يا عم فاكرنا مش بنفهم

وسبحان الله مش حقولك

اكيد الجايد دة حد داعي علي في اليوم دة

اصل المجموعة الي كانت نازلة في الكروز بتاعنا كانو ناس كبار في العمر جدا احنا الثامنية بس الي كنا شباب

وغير كدة كانو من عائلات كبير ومحترمة ومنهم وزير

وهو الاخ المصري اكيد مش فاهم

ولأسف عشان في اغلب الاوقات في مصر الواحد مش بينزل مطمن كلنا كللللللنا كان معانا ورق الحجز في الكروز ونسخة من العقد ونسخة من سند القبض ونسخة من برنامج الرحلة والاسعار

واتضح لينا ان الكروز الي بيقول نفس مس ايزيدورا ان بيفرق 150 دينار تقريبا

غير ان مش سوبر ديلكوس يعني الخدمة غير

ولما دخلنا نشوف اكتشفنا ان الغرف حجمها صغير جدا

الخدمة زفت جدا حتى كاسات الماية الي طلبناها كانت عليها بصمات سبعين مليون مصري

ولما اخدونا عشان نرتاح شوية حتى نحل المشكلة رحنا نشوف الاكل

ييييييييييييا خررااااااااااااشي

يعني الصراصير تقرف تمر جمب الاكل

آخر المطاف فضلنا اكثر من 6ساعات نتكلم ونزعق على المرشد السياحي حتى انت جبنا شرطة السياحة وعملنا محضر

في النهاية وصلنا لحلين يا اما يرجعونا الاردن يا اما ناخد باص يوصلنا لاسوان نلحق قارب مس ازيدورا ونعمل الرحلة بالمقلوب ونرجع في اخر يوم للاقصر ويعملو حجز جديد للطائرة عشان تبقى في الاقصر مش اسوان

انتهى اننى ركبنا الباص الساعة 8 تقريبا واتجهنا الى اسوان بعد تعب يوم كامل من المناقشة

لي النبر بس

على فكرة انت مش واحشششششششششني خالص
عارفين لي
علشان احنا مع بعضينا ول اول مرة لوحدينا ولا حدش بيبص علينا غير فرحت قلبنا وعنينا
هههههههههههههههه
بجد ما واحشتونيش
مش بهزر
انت كنت معايا
في كل حتة او مكان افتكرتكو
بقيت عاملة دي حتحبها هنودة
ودة حيكون المكان المفضل لمحمد سمير
والشبكة لو بازت كان حيعملنا اجراءاتو
و في القلب اكيد كانت حتجيب كحك العيد معاها
وجيجي كانت حتاخد بالها من سننا وتقلنا بلاش حلو واكل كثير
وكثير وكثير وكثير
بجد ما نسيتش حد
اسكندراني اقوي افتكارتو
عشان كل ما يسئلو انت منين اقول من اسكندرية يقولو احسن ناس
واستغربت ان في تفرقة ما بين اهل القاهرة واهل اسكندرية بالنسبة للسكان اسوان الاقصر
اكيد كمان افتكرت
يامن عشان لو كان معانا كان حيعزف على العود واحنا في الكروز في نص النيل والجو جميل
و احمد سلامةكان حيشرب القهوة الي كانت بتتقدم الصبح
سندباد و
الرحلة دي كانو لازم يكونو فيها خصوصا انها رحلة سندبادية من الطراز الاولSENDBAD
عبد الله واخراج الاحداث كلها في فلم خاص بي
محمد العزب و الافكار الي حياخدها من القصص الي مرت عليا في الرحلة دي عشان يكتب رواية جديدة

ومتاسفة لو نسيت اسم حد بس بجد نايمة وانا بكتب البوست دة
الي استغربتو ان صحابي الحقيقين الي في مصر والي المرة دي اول مرة اقضي العيد من غيرهم هم الي واحشوني
زيما ، وائل، فايد وعماد واكيد اتش و ميدووكريم وميدو الثاني وشرين وطنتط اسماء وعمو حسام و سالي ومها

اما بالنسبة للنبر
والي كنت فاكراها بس مش طايقاها خالص
الست ناني
كدة يا ناني
تنبري عليا عشان ماسفرتيش لا اوروبا ولا اسوان والاقصر
طب وانا مالي
اصل نبر الاخت ناني طلع فوق دماغي
وخلاني تايه واقول ياني يا ليالي

الرحلة كانت متعبة جدا
فيها مشاكل وحجوزات غلط وافلام مصرية وصعيدية
تحولت الى هندية باخراج اردني
:)
حقولكم على القصص والحكايات
مع اني تعابانة جدا ودلوقتي في الشغل نايمة

المهم اني في النهاية اتعرفت على ناس جديدة
وشخصيات غريبة وافكار اغرب

في مفاجاءات كثيرة كثيرة
انتظرونا

اجازة سعيد :)

زي كل اجازة عيد

نازلة مصر

بس في اختلاف المرة دي

عشان نازلة مصر ومش نازلة مصر :)

ههههههه

زي ماقلت دي حزورة

واحشاني هواها وقلبها

واحشني باهلها وشجرها

صحيح مفيش شجر ولا هواء

في مباني وشقق في كل مكان لازقة في بعضها

وهواها هو البنزين والكاز والتلوث

بس بحبها :)

وعشان اخفف على نفسي التلوث الي بحبو دة انا نازلة مكان بحبو جدا من قبل ما اروحلو

وعمري مازورتو

المنطقة دي بشوفها على الشاشة الصغيرة

بسمع عنها

بس بحبها زي ما بحب مصر

حبي للحجارة والآثار

لسر وعبقرية الفرعنة هي الي خلتني احب المنطقة دي غير انها خضراء وعلى ضفاف النيل

حتكون الرحلة على مدى الاربع ايام سايرين في نيلك يا مصر

اسوان والاقصر

اكيد لو سمعتو عن حد نام جوة المتاحف الي هناك في الفترة الي حكون فيها

الحد دة حتكون نعنشة

يمكن مستغربين ان نعنشة عندها اهتمام في الحجات دي

على فكرة كان نفسي ادرس اثار عشان الحكاية دي

بس مامتي ربنا يرحمها قالتلي

الحجارة مش بتأكل حد:)

يعني مش بتجيب فلوس

:(

وهي عارفة افكاري وطموحي

اصلي كنت فاكرة ان الناس بتقدر ان حد يكتشف معنى حجرة صغيرة تلاقيها وسط كوم حجارة ولا زبالة

ويطلع اصلها من مليون سنه يمكن تكون سر بناء الاهرامات مثلا

ههههههه

بس هي كانت عارفة اني ممكن احبط من الموضوع دة
لما اكتشف ان الموضوع دة مش مهم بقى عند الوطن العربي

اهو كلنا شفنا حضارة العراق وتاريخها عبر الازمنة والحضارات الي كانت على الفرات

كلها ضاعت واتباعت واتنست ولا حد سئل ولا عبر ولا حتى حزن ولا حس بحاجة وكلو نايم ومش سائل

ما علينا

يا رب تقضو عيد سعيد وجميل وسط اهلكم والي بتحبوهم

__________________________________________________________________

كل عام وانتم بخير

وعيد سعيد على مصر واهل مصر كلهم

داخل وخارج مصر

واي الجنان الي بكتبو دة

وعشان محدش يزعل سلام وتحية اكيد اولا واخيرا على اهلنا في جميع الاقطار والبلاد

على الامة الاسلامية

:)

معلش اصل هوايتي الخطابات اليومين دول

هههههههههههههههه

نفسي اكتب

بقالي فترة نفسي أكتب، أكتب واقول حجات كثيرة بحسها، بشوفها، بسمعها وممكن مش بفهمها

نفسي أكتب كل يوم حاجة وكمان لو أمكن أكتب كل ما تيجي حاجة في بالي

بس للأسف ايدي كانت مش مسعداني اني اكتب غير ان الشغل في الفترة دي من السنة عندي جامد جداً الحمد الله

وكمان لو كتبت كل يوم بوست ممكن تزهق مني

نفسي عبر عن الي جوايا أول بأول

عارفين حاجة، عندي شعور غريب :)

مش الرواية ماتخفوش ههههههه

شعور الاستغراب

والله بجد مستغربة من نفسي جداًُ، الفترة الي فاتت أكتشفت حاجات غريبة عمري ما عرفتها عن نفسي، هي شكلها كانت موجودة بس انا ماكنتش شايفاها فية او فاهماها

الشعور دة كأنك بتتعرف على شخص جديد لأول مرة تتعرف علي وهو غامض جداً ،بس الغريبة انو الشخص دة انت؟!!!؟

اتكلمت كثير ومش عارف الشعور دة اي المهم نرجع للموضوع الأصلي، الي المواضيع والأفكار الي كانت تيجي على بالي اكتبها حعملها على شكل نقاط مختصرة والي عاوزني اشرح اكثر واكتب بوست كامل في موضوع من الي حذكرها يتفضل ويقول

حملة شركة زين الإعلانية- MTC سابقاً*

عماد الدين أديب في زائر الليل*

أجازة العيد*

الحب والجواز والطلاق ومعانيهم*

معاني جديدة اتعلمتها (الآية، السورة، القرآن)؟*

مسلمين من اصل غربي*

وحشتوني بجد كلكم ومتأسفة اني مش بعلق في المدونات بس بحاول اشوفهم على قد ماقدر ومتشكرة على كل الي اطمن على صحتي بكافة الطرق الاساليب للأتصال بي

:)

تحياتي المنعشة

ملاحظة: على فكرة النهاردة لابسة أصفر جامد جدأ