Tuesday, September 25, 2007

استحملوني


واحشني كلكم

بس مش قادرة اكتب

كنت رايحة المسجد اصلي التراويح

رحت واقعة في الشارع :(

عندي تمزق في ايدي وواجع مش قادرة اقولو

متأسفة من الكل

على فكرة بكتب البوست دة حرف حرف وشكلي بايخ جدا وبيضحكو عليا في البيت

بجد واحشتووووووووووني

وكمان للأسف مشغولة ومطحونة في الشغل

مش بشوف المدونات خااااااااااالص

معلش استحملوني شوية الفترة دي

تحياتي


ليمو

Sunday, September 16, 2007

زائر الليل








زائر الليل في البيت بيتك









محمود سعد
هذا الرجل بكل احاسيسيه وتواضعه وصراحته

يطل علينا كل ليلة بعد الإفطارعلى المصرية
هو البرنامج الوحيد الذي اتابعه في رمضان
اشاهد من هنا وهناك

ولكن وقت زائر الليل هو وقت الهدوء في المنزل
و مفيش تغيير من قناة لقناة ثانية

بنخاصم الريموت كنترول ونسيبه بعيد ولا بنعبرو

امبارح كان مع شرين عبد الوهاب
يعني بالنسبة ليا كانت حلقة جامدة جدا

تجمع محمود سعد و ذات الصوت الدافئ والنعنشة الجامدة شرين
اوقات بشوف محمود سعد طفل صغير
ملامح الوجه طفولية خالص
وتعابير والوجه كدة بتعبر عن الي جواه بمنتهى الصراحة والخجل بنفس الوقت
رجل بقلب طفل صغير
فاهم الحياة بطريقة احنا الكبار مش شايفنها
ولا نقدر نعبر عنها زي ما هو بيتكلم عنها
بيكون على طبيعتو على الشاشة
ولما يعوز يتكلم عن حاجة بيتكلم بطريقة في منتهى الأدب والإحتراف في العمل
وبيناقش مواضيع جامدة ومحتاجة للمناقشة واوقات بيكون البرنامج عادي و في مغنين وممثلين بس مش تافهة خالص
محمود سعد لو في زيو على الشاشة بس اثنين كان حال الإعلام احسن بالكثير
تحية لمحمود سعد ورمضان كريم على الجميع

Wednesday, September 5, 2007

رمضان كريم


رمضان كريم على الجميع

المدونة مغلقة حتى اشعار آخر
======================
تحديث
يا جماعة معلش مشغولة جدا جداً
ومش حقدر اكتب ولا اشوف مدونات
ورمضان في الطريق والوقت دة لازم نعمل حاجة لربنا
حرجع ان شاء الله بعد العيد تحياتي
:)