Sunday, August 26, 2007





ليال الصيف الجميلة


طابا وجمالها


ارض سينا الطاهرة


شجر وشمس ورمل


هدوء وبحر


اجمل مكان الواحد يروحلو لما يعوز ينفصل عن الكون


مفيش ازعاج


في بس صوت البحر، والشمس الجميلة، الرمل الناعم بيداعب الرجلين


بعدين تلاقي صوت ليمو


هههههههههههه


كنت اكثر واحدة مزعجة خصوصا وقت الاكل


تلاقيني مش سايبة حد في حالو


اسمك اي اخبارك اي بتعمل اي


انت من الهرم بحبها من فين من الهرم والله


بعدين انتقل للرسبشن - مكان الاستقبال


اسمك اي انت من اسكندرية


اكيد خريج سياحة وفنادق او لغات


وكدة حتى عرفت كل الي في الفندق


اقولكم على حاجة توقع من الضحك


كان في الصبح شاب طيب ولذيذ وصغير جدا يا حبة عيني


اسم ميدو


مش بيتكلم مع حد وهو الي كان بيعمل الأوملت للناس حسب الطلب والمكونات الي ممكن تضفها


بعد ثاني يوم كدة قلت والله مانا سايبا


صباح الخير


ماردش


باتكلم معاك صباح الخير


اهلا صباح النور


هو انت مصري


ايوة


طب لي مكشر بقالك يومين


يا راجل في مصري يكون مكشر كدة


دة كدة السياحة عندنا باظت خالص


الناس بيتجي عشان المفروض اننا بشوشين وبنضحك


نفض يا عم واضحك


اسمك اي


احمد


ماشي يا ميدو عاوزة اوملت


مع اي لو سمحتي


مع قوطة وفلفل اخضر وجبنة وفطر


(عارفة حاجة يمكن منكم يقول دي مقرفة ،بس اهو كلو بينزل بعدين)


هههههههههه


المهم اليوم الثاني


رحت ثاني للأستاذ ميدو


ازيك يا ميدو


كويس اخبارك اي


الحمد لله فل وياسمين



عاوزة الخلطة النهاردة اي


زي امبارح يا ميدو


لقيت اختي واقفة جامبي وعينيها كبرت زي الضفضع وصاحبتي ساكتة


والواد يا حرام مش بينطق


قامت اختي قالتلي


لا والله


زي امبارح


هو بيعمل الاوملت بس ليكي يا ست ليمو


دة في الفندق في يجي مليون بني ادم


كان في جمبي واحد اجنبي بيستنى بقى يطلب


قمنا كلنا ضحكنا جامد جدا وانا من كثر مابجد حسيت نفسي عبيطة وقعت من الضحك


يا حرام الاجنبي بقى يتفرج ومش فاهم حاجة هم مالهم


ههههههههههههههههههه

الي يجنن في الموضوع اني بعد ما الضحك وقف قمت قلتلو خلاص من كل الخلطات المتقطعة حطها فوق البيض
قام ميدو بيقولي بس دة مكانش طلبك امبارح
:)

ايام جميلة والله


الي عاوز ياخد اجازة بس اجازة هدوء وسكينة مش فرفشة يروح طابا بس من غير موبايلات


تحياتي :)

Wednesday, August 22, 2007

اين انت من العالم


بجميع لغات العالم






و مختلف لهجات الأفراد






على اختلاف الأعراق والأديان






على مدى اتساع الكون والفضاء






على مر الفصول الأربعة






احبك



حكايات الحب


Saturday, August 18, 2007

بحبك بس ماينفعش


تحديث
نظرا للردود الي جاتني حعمل توضيح صغير
حكايات الحب دي حتكون حكايات سمعتها شوفتها او عشتها
يعني ممكن كثير اكون مش بتكلم عن نفسي
اتمنى ان التوضيح دة يكون واضح
اكيد بتقولو طب ازاي حنعلق على البوست
عادي مفيش مشاكل سيبو التعليق لمجهول
****************
قالها واخيرا

بحبك

اجمل كلمة بحبك سمعتها

قالها وقلبي طار

طار ورقص وداب من الفرح

بس يا ريت ما قالها

بعد ما قالها قالي

ماينفعش

اي هو الي ماينفعش

ماينفعش اكون ليكي

انت تستاهلي احسن مني

اي الكلام دة

يا حبيبتي

في فرق عمر بيني وبينك

ماتنسيش بينا يجي فرق 8 سنين

طب فيها اي

مش انت قلت من 8 سنين فاتو عمرك ما حسيت بالشعور دة

حد خطفك من وسط الناس كدة بعد ما كنت ناسي نفسك

صح قلت كدة ولسة كدة ومهما لفيت مش حلاقي زيك

بس اضحك عليك صعب

مش حقدر اتجوزك

واتسلى بيك ماينفعش

اصلي مش انا الي اتسلى

ولا اعرف اعمل دة

غير انك ملاك مفيش زيو

خطف قلبي

معقولة العب بي

اكيد ماينفعش


بعد ما قال بحبك

قال بس ماينفعش نبقى لبعض

يا ريت قال ماينفعش وماقالش بحبك


حكايات الحب

Monday, August 13, 2007

اتعلم من المصري


كل يوم اول ماخرج من البيت لسة جمب البي في عمارة جديدة بتتبني

طبعا الدنيا صبح بدري

والجو في شوية لسعة باردة في الليل وفي نص النهار الجو حرررررررررر موووووووووووت

يعني احنا بنكون في العربية وفي كوندشن حتى لو مافيش وانت بتمشي بالعربية في هواء بيجي لو فتحت الشباك

وفي المكتب في كوندشن

وفي البيت بتكون مرتاح اصلو بيتك

وكل دة جاهز وموجود في اكل وحجات

يا تعمل ليك حاجة يا تجيب حاجة من برة تاكلها

او يا اما تنام وانت ما واكل

صح كدة يا جدعان

ونكون مش طايقين نفسنا وقرفانين والجو حر والجو برد ويا زفت طفي الأ سي

دا بارد ودا سوخن ودا مش عارف اي

و مش طايقين نشتغل و نعصب على بعض وحجات غريبة

طب يعمل اي المصري الي من وش الصبح بعد صلاة الفجر بيغسل العربيات كلها بتاعت المنطقة

طب في الصيف خلينا نقول مش مشكلة عشان في اول الصبح الجو جميل

بس ماتنساش دا الوقت بدري جدا

ثانيا هو في الشتاء بيصحى ازاي غير كدة الفوطة مليانة مية متلجة وخد بالك اكثر من 20 عربية بتتغسل وهو الي بيغسلها لوحدو

وبعد كل دا على الصبح يجين واحد متأخر على الشغل بيزعق على المصري الأصيل

قال اي مش منضفها كويس

طب يا عم ما تنضفها بنفسك

طب شوية دم يا ناس

ولا اللي بكسر الطوب والحجر

ركزو معايا

الحجر

يعني عاوز قوة بدنية

بس المشكلة الي بكسر الحجر بيكون وزن خف الريشة وقاعد من الصبح للمغرب بيحفر وينضف الحجر بالإزميل

شوف ايدو عمل ازاي اخر النهار

ولا الشمس الي بتضرب في دماغو طول اليوم

وهو ساكت مش بيقول حاجة

ولا الثاني الي بيقسم الحديد ويرتبو

والعرق بينزل من جبينو

وماتنسوش

دا مغترب وغير كدة مش بيلاقي لقمة ياكلها في بيتو

دا بيت عادي وبسيط واكل اخرو رغيف خبز وجبنة

طب يا عم راعي ربنا


يا عم و بيقولو مش بنحب المصريين

ازاي يا عم هو من غير المصري كنت حضرتك بقيت بني أدم وسكنت في البيت الي عايش في


يا حسو في بعض شوية

وبطلو التعميمات الغريبة دي


المصري وحش وبيستعبط

ايوا في بس مش كلهم

والمغربي مش مؤدب

ايوا في بس مش كلهم

والاردني ابو كشرة

ايوة في بس مش كلهم

والسعودي الي مش بهمو الا النسوان والتسلية

ايوة في بس مش كلهم

والله حرام

كفاية تعميمات


ملاحظة: مش بقصد ان المصري عامل وبس بس دة مثال صغير لقدرة المصري للعمل عشان يكسب رزق بالحلال

والشغل مش عيب ويا ريت كل الشعب العربي يتعلم الحاجة دي من المصريين عشان هم الوحيدين الي بيشتغلو اي شغلانة حتى لو كان معاه شهادة جامعية، لو مفيش شغل في التخصص بتاعو بيدور على شغل حتى يلاقي الي عاوزو


تحياتي لكل مصري عامل بداية من رجل النظافة لصاحب الشركة

تحية لمصر

Monday, August 6, 2007

تاج محل


الصديق العزيز سندباد

ارسل لي تاج

مع اني مش من محبي التيجان في الوطن العربي

ولكن امري لله بقى

بس عشان خاطرك يا سندباد

اسم المدونة

ليموناضة

يعني حاجة صعبة على فكرة، اي السؤال دة يا عم

لماذا أخترته ..وما هى نيتك من وراء أختياره؟

همممممممممم

دي قصة طويلة

انا اخترته بعد جهد جهيد عشان ماكنش بشبه حد ليموناضة حاجة مفرفشة ولونها اصفر

انا بحب اللون الاصفر

بس غير كدة في قصة طويلة على الاسم دة حكتب بوست كامل عنو ان شاء الله

فكرت فى أغلاق مدونتك ؟ولماذا؟

للوقت دة لاء الحمد لله

اصل المدونة بالنسبة ليا تفريغ لمشاعر وافكار مش بعرف اقولها

عشان الناس المتخلفة الي في عالمي مش بيفهموها ولقيت في المدونات دي مكان لناس تفهم انا بقول اي


صورتك فى المدونه و رمزيتها؟؟

صورتي في المدونة

همممممم

انا معنديش صورة في المدونة دي

بس حاطة صور على الجنب لبنت شقية وطفلة ودي بتعبر عن الي جوايا

بحاول على قد ماقدر احافظ على الطفولة الي عندي مهما كبرت

اما الصورة الثانية وهي شجرة اليمون فدي شجرة جميلة ولسة بتكبر

دا مبدئي في الحياة مهما كبرت حتفضل طفل وتتعلم كل يوم حاجة

لما دخلت عالم التدوين من الأساس؟

كل الموضوع بالصدفة

كنت بدور في السيرتش على حفلات لعمر خيرت فلقيت كراكيب نهى

دخلت و من هناك بدأت اتابع مدونتها ومدونات الأخرين لمدة شهر تقريبا

حسيت ان الناس الي هنا ناس بتفهم وعندها حاجة تقولها ومش بتتسلى وتقول اي كلام وخلاص وكدة دخلت العالم دة

جمله قيلت لك فى وصف مدونتك؟

كل الكلام جميل بس بصراحة انا كثير بحترم وعندي تقدير لأول ناس دخلو مدونتي

سندباد

sendbad

محمد العزب

التعليقات بالنسبه لك..واهميتها؟

التعليقات مهمة جدا

بتعلم منها كثير بجد والله

كل تعليق في حدوتة ، معلومة جديدة وبتخليك تعرف الشخص الثاني اكثر

احلى بوست كتبته....ضع اللنك ثم أذكر لماذا؟

كل بوست بعبر عن حالة او احساس او شئ فيا

يعني اي حاجة حتكون جميلة بعض النظر كانت اي المهم انها بتعبر عني في مرحلة معينة


أفضل بوست قرأته ؟وضع اللنك؟

افضل

انا حاسة نفسي في امتحان اي يا عم افضل واحلى والحجات دي

كل واحد بروح مدونتو وبعلق فيها هو بالنسبة ليا افضل بوست

أفضل مدونه قرأتها؟

لا إله إلا الله

وبعدين بالسؤال دة احنا حنهزر، شوف الجواب الي فوق لو سحمت

عارف السؤال دة فاكرني بالأسئلة الي بتكون في الاستبيانات

الي بتسئلك نفس السؤال مليون مرة وهو هو مش متغير بس بغيرو اماكن الكلمات

هههههههههههههههههه


أسواء بوست أسواء مدونه؟

مش عارفة بس اعرف حقولك

هيحصل أيه لاميلك لما تموت؟؟

المفروض يقفل من كثر الجنك ميل الي في


أديتى الباسوورد لحد قبل كده؟

كتبت على ورقة وطلعت المقطم ورمتها من هناك

لو عاوز تعرف الباسوورد روح هناك ودور على الورقة

كانت أيه طبيعه علاقتك بيه؟

مين المقطم

هههههه

دة مكاني المفضل في ساعات الصباح الباكرة

اول شروق الشمس

أسمك؟


ليمو

او ليموناضة

المشهور بيه وسط أصحابك؟

كل حد عاملي اسم

يعني مثلا في

ك جي 2

نهى

وجلاكسي

وحجات كثيرة بس كلها هبل وبيني وبينك مش اي حد يفهم معنى الاسماء دي


عمرك؟

يا عم شوف البروفايل وانت تعرف


برجك؟

الدلو الدلو يحب الدلو

هههههه


دراستك؟؟مجالك؟؟

ادارة اعمال بس بشتغل في الدعاية والاعلام


شخصيتك نوعها ايه؟

يعني هي تشكيل ما بين الموز واليمون حسب المزاج واوقات بتكون مافينز او كيكة التفاح



السفر بالنسبه لك؟

السفر هو الهوا الي بتنفس بي كل سنة


وقت فراغك بتعملى ايه؟

حسب المزاج

يعني نوم او اكل او بشوف التي في

يعني

او ممكن اخرج بالعربية والف الف واسمع اغاني


المود بتاعك؟

ممممممممممممممممود اف ام


الأكله المفضله؟

كل حاجة من ربنا باكلها

معنديش مشاكل الحمد لله


الصفات التى أخذتها من بابا؟الصفات التى أخذتها من ماما؟


همممممممممممم

شكلي شبه مامتي الله يرحمها خالللللللص

انا نسخة عنها مفيش فرق

مش بيقولو الي خلف ما مات

اما بابا يمكن العند الي عندي دة منو




أكتر ست حاجات بكرهها؟

النفاق، الكدب ، صحبة المصلحة ، الغش، الخيانة، الغباء


أكتر ست حاجات بحبها؟

الصدق ، الضحك، الصداقة، مصر والنيل، الكانتلوب ، الموز


الشغل بالنسبه لك؟

طريقة لكسب العيش وتحقيق الطموح


الأنترنت بالنسبه لك؟

نعمة وابتلاء

معلش يا سندباد بس بجد انا مؤمنة بدة مش غش من جوابك

هههههه


أمرره لمين؟؟

محمد العزب

xee

طرح البحر

جهينة

الاستاذ محمد العشري

مريم

واي حد حابب الاسئلة دي ودخلة المدونة بتاعتي يجي ياخد التاج دا

وهلا والله وهلا

وبلا تصبو هالقهوة وزيدوها هيل

وسقوها للناشمى على ظهوررررررررررر الخيييل